POP 5

Lajmet më të lexuara të 5 minutave të fundit

Politikë

Hetimet, shpëtojnë 3 ish-ministra
të Berishës dhe Majlinda Andrea

Politika shqiptare i ka mundësuar organit qendror të akuzës një alibi të fortë, për të mbyllur të gjitha dosjet e nxehta të korrupsionit dhe krimit, ku nën akuzë janë ish-ministra, deputetë, kryebashkiakë etj. 
Politika shqiptare i ka mundësuar organit qendror të akuzës një alibi të fortë, për të mbyllur të gjitha dosjet e nxehta të korrupsionit dhe krimit, ku nën akuzë janë ish-ministra, deputetë, kryebashkiakë etj. Paralizimi i Prokurorisë së Përgjithshme, me anë të Kushtetutës së re, duke i hequr të drejtën për hetimin në juridiksion fillestar të deputetëve dhe ministrave deri në ngritjen e SPAK, mund të ketë edhe prapaskena politike.

Prokuroria e Përgjithshme është i vetmi institucion, për të cilin nuk është parashikuar dispozitë transitore. Kushtetuta e re parashikon kalimin e të drejtës së hetimit në juridiksionin fillestar në kompetencë të Prokurorisë së Posaçme dhe Byrosë Kombëtare të Hetimit.

Por, mungesa e ngritjes së SPAK dhe e dispozitës kalimtare në Kushtetutën e re, ka bllokuar veprimtarinë e Prokurorisë së Përgjithshme, duke rrezikuar mbylljen e çështjeve nën hetim dhe në gjykim. Përpos çështjeve në gjykim, konkretisht të deputetëve Tom Doshi dhe Armando Prenga, rrezikohen të gjitha çështjet nën hetim. Në listën e zyrtarëve të lartë, të cilët kanë llogari të hapura me Prokurorinë janë edhe tre ish-ministra të Sali Berishës.

Bëhet fjalë për ish-kryefinancierin Ridvan Bode, ish-ministrin e METE, Genc Ruli dhe ish-ministrin po të METE, Florjon Mima, të cilët janë kallëzuar në prokurori për privatizimin e OSSH, nga Ministria e Energjisë dhe Industrisë, e cila pas një procesi auditimi ka konstatuar 414 milionë euro dëm.

Të tre të akuzuarit kanë statusin e deputetit, ndërsa Prokuroria nuk ka një vendim për kallëzimin. Prokuroria e Përgjithshme nuk mund të marrë asnjë vendim, as të pushojë çështjen dhe as të referojë dosjen për gjykim në gjykatë, ndërsa tejkalimi i afateve favorizon të lartpërmendurit.

Në pikëpyetje vihen edhe hetimet për kryebashkiakun e Kavajës, Elvis Roshi, i cili është marrë nën hetim nga Prokuroria për pavërtetësinë e të dhënave në formularin e dekriminalizimit.

Po ashtu, ky ngërç ligjor favorizon edhe anëtaren e pezulluar të Gjykatës së Lartë, Majlinda Andrea, e cila akuzohet nga Prokuroria e Përgjithshme për korrupsionin pasiv. Gjithashtu, Prokuroria e Përgjithshme, në këtë situatë, nuk mund të marrë nën hetim apo të kërkojë arrestimin e asnjë funksionari të lartë në kushte flagrance, edhe nëse kryejnë një krim të rëndë, pasi çdo veprim i Prokurorisë bie ndesh me Kushtetutën e re.



d.b/shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31