Hetimi i FIFA-s për Ekuadorin, në Itali fërkojnë duart: Mund të kualifikohemi në Botërorin e Katarit

Hetimi i FIFA-s për Ekuadorin, në Itali fërkojnë duart: Mund të kualifikohemi në Botërorin e Katarit

Futbollisti i cili luan për Ekuadorin Bajron Kastijo

Një tjetër shpresë se mund të shkojë në Botërorin e Katarit është zhgjuar për Italinë. Gjithçka ka lidhje me Ekuadorin, pasi kjo kombëtare po hetohet nga FIFA për dy shkelje që mund të çojnë në përjashtimin nga Katar 2022. Indicia erdhi nga një denoncin i Kilit që pretendon se Ekuadori ka aktivizuar një futbollist, i cili nuk ka nënshtetësinë e saj dhe ka luajtur me dokumentacion të falsifikuar.

Sipas denoncimit futbollisti Bajron Kastijo është Kolumbian dhe kjo e vërteton një çertifikatë lindje më 1995 dhe jo e 1998 siç e ka rregjistruar Ekuadori. Lojtari ka luajtur 8 ndeshje të kualifikuesve të zonës së Amerikës së Jugut dhe tashmë Ekuadori mund të humbasë të gjithë ndeshjet në tavolinë, ose të përjashtohet. FIFA ka konfirmuar hetimin dhe tani të gjithë presin me kureshtje të mësojnë se çfarë do të ndodhë pasi situata është shumë e komplikuar.

Sipas “Corriere Dello Sport”, një dënim i Ekuadorit i hap rrugë kthimit të Italisë në Botëror. Sipas saj, shkelja e Ekuadorit është e dyfishtë, pasi ka aktivizuar lojtar që në fakt është kolumbian dhe për më tepër i ka falsifikuar edhe datëlindjen. Kështu, masa mund të mos jetë heqja e pikëve që do të ndryshonin renditjen nëpërmjet të cilës siguroi Botërorin duke avantazhuar Kilin, por përjashtimi nga Botërori.

Një gjë e tillë bën që FIFA të aplikojë pjesëmarrjen me ftesë në këtë aktivitet për vendin bosh. Dhe kjo ftesë jepet nëpërmjet renditjes botërore të FIFA-s, duke marrë pikërisht skuadrën që renditet më lart e që nuk ka siguruar praninë. Italia gjendet në vendin e 6 në renditjen botërore e në teori, është e para në listën e pritjes nëse konfirmohet kjo hipotezë e bujshme.

 

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

Konservatori Berisha dhe milionerët mëkatarë që e rrethojnë