POP 5

Lajmet më të lexuara të 5 minutave të fundit

Bota

Hidhet bojë me dron mbi Ambasadën ruse në Suedi

Një dron i paidentifikuar që fluturoi mbi ambasadën ruse në Stokholm të premten në mëngjes, hodhi bojë në terrenin e kompleksit diplomatik, njoftoi policia suedeze.

Ambasada ruse në Suedi

Një dron i paidentifikuar që fluturoi mbi ambasadën ruse në Stokholm sot në mëngjes, hodhi bojë në terrenin e kompleksit diplomatik, njoftoi policia suedeze.

Deri tani autoritetet nuk kanë bërë asnjë arrestim dhe nuk është identifikuar asnjë i dyshuar lidhur me incidentin, shtoi një zëdhënës i policisë.

“Ne këmbëngulim që të gjitha incidentet kundër ambasadës ruse të hetohen tërësisht dhe në mënyrë të paanshme dhe që autorët të vendosen para drejtësisë”, thuhej në një deklaratë të ambasadës ruse në Suedi.

Sipas mediave të huaja, autoritetet po hetojnë nëse incidenti ishte në ndonjë mënyrë i lidhur me një rast të raportuar vandalizmi në ambasadën e Suedisë në Moskë të enjten, sipas zëdhënësit të policisë.

Pas incidentit në Moskë, ministrja e Jashtme suedeze Maria Malmer Stenergard i kërkoi Rusisë të sigurojë mbrojtjen e misionit diplomatik të Suedisë dhe personelit të saj.

Një zëdhënës i ministrisë së jashtme suedeze tha se ambasada e Suedisë në Moskë ishte në kontakt me autoritetet ruse lidhur me incidentin e së premtes.

"Është serioze kur ambasada e një vendi është subjekt i vandalizmit. Autoritetet suedeze janë përgjegjëse për sigurinë e ambasadës dhe policia ka nisur një hetim paraprak”, tha zonja Stenergard në një deklaratë me email për incidentin në Stokholm.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06