Hidhet shorti i Botërorit,
ja 8 grupet e ‘Rusi 2018’ 

Merr jetë Kupa e Botës “Rusi 2018”. Në Moskë është hedhur shorti i fazës së grupeve ku goglat kanë përcaktuar 8 grupet e fazës finale të evenimentit më madhështor. Ndeshja hapëse do të jetë mes Rusisë mikpritëse dhe Arabisë Saudite ndërsa në të njëjtin grup janë Portugalia me Spanjën, Argjentina me Kroacinë dhe Belgjika me Anglinë. Në grupin A janë shortuar Rusia, Arabia Saudite,Egjipti dhe Uruguai.

Spanja një prej favoriteve është në grupin B së bashku me Portugalinë ku do të kemi derbi iberik dhe Marokun e Iranin. Me fat ka qenë Franca. Transalpinët janë shortuar në grupin C së bashku me Australinë, Perunë dhe Danimarkën.

Tjetër grup interesant është ai D ku është Argjentina e Leo Messit që do ketë një duel interesant me Kroacinë ndërsa dy ekipet e tjera janë Islanda dhe Nigeria. Një tjetër favorite është Brazili dhe në letër amerikano jugorët kanë një grup të lehtë.

Brazili është shortuar në grupin E së bashku me Zvicrën, Kosta Rikën dhe Serbinë që gjithsesi mbetet një grup interesant për vendin e dytë. Gjermania është në grupin F dhe do të përballet në fazën e grupeve me Meksikën, Suedinë dhe Korenë e Jugut. Anglia është në grupin G dhe do të luajë ndaj Belgjikës, Panamasë dhe Tunizisë.

Dhe grupi I fundit ai H përbëhet nga Polonia, Senegali, Kolumbia dhe Japonia. Ceremonia në Pallatin e Kremlinit ka qenë spektakolare me mbi 1400 të ftuar. Goglat janë tërhequr nga yje të futbollit Botëror ndërsa për Presidentin e FIFA-së Gianni Infantino ky I Rusisë do të jetë Botërori më I mirë në histori. I pranishëm në ceremoni ka qenë edhe Presidenti rus Vladimir Putin.

Grupi A
Rusi
Arabia Saudite
Egjipt
Uruguai

Grupi B
Portugali
Spanjë
Marok
Iran

Grupi C
Francë
Australi
Peru
Danimarkë

Grupi D
Argjentinë
Islandë
Kroaci
Nigeri

Grupi E
Brazil
Zvicër
Kosta Rika
Serbi

Grupi F
Gjermani
Meksikë
Suedi
Kore e Jugut

Grupi G
Belgjikë
Panama
Tunizi
Angli

Grupi H
Poloni
Senegal
Kolumbi
Japoni

dy,b/shqiptarja.com