POP 5

Lajmet më të lexuara të 5 minutave të fundit

Politikë

Hileja në ‘Statutin e Foltores’, Berisha nuk do largohet edhe nëse humbet zgjedhjet lokale, do t’ia hedhë me një votëbesim në Kuvendin e PD-së

Berisha ndryshime radikale në statut për të goditur Bashën, por la një shteg për veten e tij nëse humbet zgjedhjet lokale të vitit që vjen. Çfarë fshihet pas kërkesës për të shtuar 34 bashki.

Hileja në ‘Statutin e Foltores’, Berisha nuk do largohet edhe nëse humbet zgjedhjet lokale, do t’ia hedhë me një votëbesim në Kuvendin e PD-së

Sali Berisha

Zgjedhjet lokale të vitit kanë nisur të dominojnë debatin politik. Në funksion të llogarive elektorale, Partia Demokratike me në krye Sali Berishën kërkon 95 bashki nga 61 që janë aktualisht. Ndërsa PD-ja me në krye Enkelejd Alibeajn kërkon 94 bashki. Partia Demokratike synon të ndajë dhe kthejë në bashki disa bastione të saj, me qëllim për të rritur numrin e bashkive që mund të fitojnë në zgjedhjet e ardhshme lokale, gjithnjë nëse dy gjysmat e PD-sa do ta gjejnë dakordësinë për vulën e partisë dhe drejtimin.

Këto zgjedhje do të jenë edhe një test për Sali Berishën, i shpallur dy herë non grata nga Shtetet e Bashkuara të Amerikës dhe Britania e Madhe. Gjatë luftës për rrëzimin e Lulzim Bashës, Sali Berisha, në Kuvendin e tij Kombëtar paralel të PD-së, mbajtur në 11 dhjetor 2021, miratoi disa ndryshime në statutin e partisë, ndryshime të cilat janë regjistruar nga Gjykata e Tiranës. Në funksion të goditjes së Bashës si një humbës serial 8-vjeçar, Berisha miratoi disa rregulla të prera, duke parashikuar largimin e kryetarit dhe heqjen e të drejtës për të kandiduar në rast humbje të zgjedhjeve të përgjithshme për Kuvendin.

Por, ky parashikim i prerë që nuk lë vend për asnjë alibi, nuk është i vlefshëm për zgjedhjet lokale. Nëse Partia Demokratike do të humbasë zgjedhjet lokale, siç edhe ka gjasa të ndodhë, Sali Berisha nuk do të largohet nga drejtimi i partisë. Statuti i ‘Foltores’ parashikon që në rast humbje të zgjedhjeve lokale, kryetari i partisë nuk largohet, por duhet të vetëbesohet në Kuvendin Kombëtar të PD-së. Që kryetari i partisë të rikonfirmohet duhet të marrë më shumë se sa 70 % të votave të anëtarëve që kanë marrë pjesë në votim.

Në kampin e Partisë së Lirisë nuk parashikohet asgjë në rast të humbjes së zgjedhjeve, edhe për faktin se kjo parti nuk ka pretenduar asnjëherë se mund të fitojë zgjedhjet, pasi objektivat e saj elektorale është që të marrë sa më shumë bashki, këshilltarë dhe deputetë, për të rritur kërkesat ndaj PD-së apo PS-së për ndarjen e pushtetit.

Statuti i PD së Berishës

 

K.T./G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tushi: 04/10/2022 02:16

    Mos u largo o sale, merre partin me veten edhe ne boten tjeter.

    Përgjigju
  • Vicidolli: 03/10/2022 18:09

    Lokun hundspate vetem vdekja do e largoje nga PD. Kur ti vij ora e te iki te te shumtit, vetem atehere do bier rehat PD

    Përgjigju
  • rre: 03/10/2022 18:04

    Ky kriminel e ka shum te veshtire te shkeputet nga politika.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29