POP 5

Lajmet më të lexuara të 5 minutave të fundit

Sociale

Aldeo, 7-vjeçari që studion larg familjes në Institutin e Fëmijëve që nuk shikojnë në Tiranë: Dua të bëhem doktor

Në ditën Ndërkombëtare të Shkopit të Bardhë, fëmijë e të rritur që kanë probleme me shikimin marshuan në Tiranë në shenjë sensibilizimi. Report Tv sjell historinë e 7-vjeçarit Aldeo, që për të ndjekur të vetmen shkollë për të, duhet të qëndrojë larg familjes.

Prindërit do ta marrin nga Instituti i Fëmijëve që nuk shikojnë në Tiranë, për të kaluar bashkë fundjavën në shtëpinë e tyre në Elbasan

“Unë jam Aldeo Dushku dhe jam 7 vjeç. Unë shkruaj me një makinë edhe i lexoj me pika. Kam një motër. Unë dëshiroj të bëhem doktor.

Prej 3 vitesh, i është dashur të qëndrojë i vetëm në konviktin e institutit. Dhe për nënën e tij, kjo është e rëndë, por pamundësia ekonomike e detyroi për vendimin

“Aldeo shikon dritën e diellit dhe blicin e telefonit. Aldeo nuk e ka problem shikimin, por ka problem largësinë nga ne. Di alfabetin “Braj”. Ndarjen e kemi përjetuar shumë keq. Nuk më ka folur 2 muajsh’, tha nëna e Aldeos, Luljeta Dushku.

Në institut, fëmijët mësojnë me alfabet të posaçëm për ta dhe me kushte mjaft praktike. Megjithatë shkolla me rreth 50 nxënës, është deri në klasë të 9.

Nxënës e mësues por dhe persona të tjerë që kanë probleme me shikimin, në Ditën e Shkopit të Bardhë, bënë një marshim simbolik nga sheshi Nënë Tereza tek Piramida.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Njihuni me lëngun detoks që pastron organizmin, si ta përgatitni në shtëpi

Njihuni me lëngun detoks që pastron organizmin, si ta përgatitni në shtëpi

4 Maj, 09:19