Historia e infermierit që duhet të na bëjë krenar, por që u përlye nga mediat shqiptare

Ndërsa mediat e botës prej 3 ditësh shkruajnë e flasin pa pushim për 30 mjekët dhe infermierët shqiptarë që shkuan në Itali duke u treguar të gjithëve se çfarë do të thotë solidaritet dhe mirënjohje, disa media shqiptare duket se e kanë të vështirë të nderojnë siç duhet këta heronj, duke zgjedhur t'i përlyejnë.

Të punosh nuk është turp, por të shpikën apo prishësh figurën e një punëtori që ushqehet me djersë është një veprim shumë larg dinjitozit. Një gjë e tillë fatkeqësisht ka ndodhur me një prej infermierëve të dërguar në Itali.

Bëhet fjalë për Qazim Ismaili, që në përpjekje për të denigruar figurën e tij duke e cilësuar "pompisti i veshur i mjek", pa u interesuar më parë se ai zotëron një licencë të infermierit dhe se këtë profesion e ka ushtruar për vite me radhë në Shqipëri dhe Itali, jeta e ka detyruar të punojë pompist në karburant. Ndërkohë që shumica janë të strukur në shtëpi e punojnë të sigurt nga divani i tyre, fillimisht të sigurohen dhe konfirmojnë atë që shkruajnë në lidhje me infermierin, pasi mjaft i rrezikuar është në frontin e luftës, për të mbajtur dhe sulmet e mediave.

Historia e infermierit Qazim Ismaili

Qazim Ismaili, banor i Vorë, i diplomuar infermier ka punuar katër vite në Spitalin Ushtarak. Më pas për 9 vite në Spitalin Nr.2 dhe pesë vite të jetës së tij si infermier në Itali.

Ai është baba i 3 fëmijëve dhe në 2008 u detyrua të kthehej në Shqipëri, pas shpërthimi i Gërdecit plagosi rëndë një prej fëmijëve të tij. Që nga ajo kohë ai nuk mundi të punonte më si infermierë pasi e para BVora nuk ka qendër spitalore dhe e dyta kostot e përditshmë Vorë-Tiranë, ishin të papërballueshme  për rrogën e infermierit.

Që nga ajo kohë  ai ka punuar pompist në një karburna në Vorë, pranë banesës së tij, por kjo nuk e bën më pak infermierë , por më shumë njerëzor që zgjodhi famijen e tij para shkëlqimit profesional.

Sot aitij iu dha mundësia që ato vite pune dhe vlerësimi si infemrier ën Itali, të mudn t\ia shpërblenete në këtë ditë të vështirë, duke lëën ën shtëpi një fëmijë të sëmurë.  këto vlera njerëzore duhet t'i mësojmë të gjithë prej infermier Qazimit.

Urdhri i Infermierit: Të 20 infermierët zotërojnë lejen e ushtrimit të profesionit që njihet nga Italia

Në lidhje me rastin e Qazimit, Urdhri i Infermierit tha se të 20 Infermierët të cilët në këto momente po japin kontributin e tyre në luftën kundër Covid – 19 në Spitalin e Brescias në Itali, janë të anëtarë aktivë të Urdhrit dhe të pajisur me Lejen e Ushtrimit të Profesionit të Infermierit që njihen dhe nga shteti fqinj.

"Urdhri i Infermierit të Shqipërisë informon opinionin publik se 20 Infermierët të cilët në këto momente po japin kontributin e tyre në luftën kundër Covid – 19 në Spitalin e Brescias në Itali, janë të anëtarë aktivë të Urdhrit dhe të pajisur me Lejen e Ushtrimit të Profesionit të Infermierit. Urdhri i Infermierit shpreh indinjatën e tij përkundrejt të gjithë aludimeve që po bëhen për të zbehur kontributin e profesionistëve tonë në shtetin fqinj, Italinë. Lejet e Ushtrimit të Profesionit të lëshuar nga UISH janë plotësisht të njohura nga organet homologe në Itali", shkruhet në deklaratën e tyre.

Avokati Durda: Qetësohuni njerëz! Qazimi është infermier, u detyrua të punojë pompist

Avokati Geraldo Durda, i cili përfaqëson familjet e prekura nga Gërdeci, ka qenë pjesë e reagimeve duke kundërshtuar fort shkrimet e disa mediave për të ulur poshtë figurën e  infermierit Qazim Ismaili. Avokati konfirmon se Qazimi ka punuar si infermier për shumë vite në Shqipëri dhe Itali, ku është detyruar të kthehet nga vendi fqinj për shkak të tragjedisë së Gërdecit. Për shkak së nuk mund të hynte në sistemin e shëndetësisë, ai punoi në një karburant në Vorë.

“Qetësohuni njerëz! Qazim Ismaili është babai i tre fëmijëve të quajtur Jonida, Artiola vuan nga zemra edhe Roeli djali i vogël. Qazimi ka punuar për 4 vite në Spitalin Ushtarak e më pas për 9 vjet ke spitali Nr 2 dhe për 5 vite infermier në Itali. Qazimi është kthyer nga Italia në vitin 2008 kur ndodhi tragjedia e Gërdecit, për shkak se vajza e vogël e cila vuan nga zemra u dëmtua. Edhe prej nga ajo kohe ka tentuar të rikthehet në sistemin e shëndetësisë, por nuk ka arritur dot dhe ndërkohë ka punuar si shitës karburanti në Vorë”, shkruan Durda.

I.K//Shqiptarja.com

TAG:
• mjeket
• Koronavirus
• koronavirusi ne shqiperi
• qazim ismaili