POP 5

Lajmet më të lexuara të 5 minutave të fundit

Politikë

Historia/ Si u dakordësuan në 
2002 Nano e Berisha kundër Metës

Më 11 tetor 2002 Sali Berisha dhe Fatos Nano u takuan në zyrën e ish-presidentit konsensual, Alfred Moisiu. 
Më 11 tetor 2002 Sali Berisha dhe Fatos Nano u takuan në zyrën e ish-presidentit konsensual, Alfred Moisiu. Edhe atëherë, sistemi zgjedhor ishte në qendër të diskutimit të paktën zyrtarisht, por analistët e situatës së atëhershme politike e konsideruan këtë si një takim që vendosi për fatin e vendit dhe për fatet e një sërë figurash të rëndësishme të jetës politike. Ilir Meta u largua nga posti i kryeministrit në këtë vit, vendim i kushtëzuar nga marrëveshja e pashkruar mes Nanos dhe Berishës, çka shënoi krisjen përfundimtare mes tij dhe PS-së, dhe gjeneroi rrugën e krijimit të LSI-së. Rëndësia e takimit është e ngjashme me të tanishmet.

Edhe angazhimi i diplomatëve të huaj ka qenë e njëjtë. Një rol thelbësor atëherë e kanë kryer ambasadorët e OSBE-së dhe Këshillit të Evropës, Geert Ahrens dhe Jorgen Grunet, ndërsa tani, pjesën e vështirë të negociatave paraprake po e kryen ambasadori amerikan Donald Lu dhe ajo e BE-së Vlahutin. Takimi Fatos Nano-Sali Berisha në 2002, ishte përcaktues për jetën politike në vend dhe madje edhe për fatin politik të një sërë figurash, të angazhuara ose jo deri atëherë në politikë.

Dyshja e vjetër e pluralizmit përcaktoi fatin e një liste të gjatë institucionesh dhe po ashtu edhe fatin e zgjedhjeve të ardhshme dhe ndarjen përfundimtare të Ilir Metës me socialistët e krijimin e Lëvizjes Socialiste për Integrim, që përfshiu në atë kohë një numër jo të vogël figurash të goditura gjatë paktit për zgjedhjen e një presidenti konsensual. 

Redaksia Online
l.q/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

‘Studio Live’/ Sulo: SPAK shtyp frenat ndaj Ramës dhe gazin ndaj opozitës! Dash Sula: Më mirë votat e emigrantëve t’i numërojë KQZ, se në rrethe i vjedhin bandat e kryeministrit

‘Studio Live’/ Sulo: SPAK shtyp frenat ndaj Ramës dhe gazin ndaj opozitës! Dash Sula: Më mirë votat e emigrantëve t’i numërojë KQZ, se në rrethe i vjedhin bandat e kryeministrit

10 Janar, 19:50