POP 5

Lajmet më të lexuara të 5 minutave të fundit

Bota

Koreja e Jugut ndalon me ligj ngrënien e mishit të qenve, gjobë 21 mijë euro dhe 3 vite burg

Parlamenti i Koresë së Jugut miratoi mëngjesin e kësaj të marte një projekt-ligj që ndalon mbarështimin dhe therjen e qenve për konsum, duke i dhënë fund praktikës tradicionale por të diskutueshme të ngrënies së mishit të qenit

Parlamenti i Koresë së Jugut miratoi mëngjesin e kësaj të marte (9 janar) një projekt-ligj që ndalon mbarështimin dhe therjen e qenve për konsum, duke i dhënë fund praktikës tradicionale por të diskutueshme të ngrënies së mishit të qenit.

Projektligji mori mbështetje të rrallë dypartiake nga i gjithë spektri politik i ndarë i Koresë së Jugut, duke theksuar se si qëndrimet ndaj ngrënies së mishit të qenit kanë ndryshuar në dekadat e fundit gjatë industrializimit të shpejtë të vendit.

Ligji do të ndalojë shpërndarjen dhe shitjen e produkteve ushqimore të bëra ose të përpunuara me përbërës të mishit të qenit, sipas komisionit përkatës të Asamblesë Kombëtare.

Sipas projektligjit, kushdo që ther një qen për ushqim mund të burgoset deri në tre vjet ose të gjobitet deri në 21 mijë euro.

Projektligji tani i shkon presidentit Yoon Suk-yeol për miratim përfundimtar.

Ky ligj pritet të shoqërohet me mbylljen e rreth 1100 ferma të qenve që operojnë për qëllime ushqimore në Korenë e Jugut dhe rreth gjysmë milioni qen edukohen në këto ferma, sipas Ministrisë së Bujqësisë, Ushqimit dhe Çështjeve Rurale.

Por numri i koreano-jugorëve që hanë mish qeni gjithashtu ka rënë në mënyrë dramatike pasi pronësia e kafshëve shtëpiake është bërë më e zakonshme. 

S.S/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43