Historike për Partizanin, të dielën luan ndeshjen e parë të Superligës në stadiumin e ri

Të dielën Partizani do të luajë për herë të parë një ndeshje Superlige në stadiumin e ri. Lajmi konfirmohet për Report TV nga drejtuesit e klubit, të cilët po punojnë intensivisht që impianti të jetë gati në fundjavë. Aktualisht po punohet për vendosjen e pankinave ku qëndrojnë stafet e ekipeve, ndërsa prej ditesh punohet për rrethimin e fushës.

Do të jetë pikërisht sfida me Bylisin në orën 13:00 që do të shënojë ndeshjen e parë të të kuqve në këtë stadium. Më herët Partizani ka luajtur një ndeshje kupe në turin e parë, por në përgjithësi sfida të tilla luhen edhe në fusha stërvitore, ndërsa me Bylisin është një ndeshje për elitën e futbollit shqiptar.

Të mërkurën ose të enjten do të nisë edhe vendosja e impiantit të ndriçimit, por që ndeshja e parë me drita do jetë vetëm në 2023. Fusha e stadiumit në kompleksin Partizani është me bar sintetik, por duke qenë se shumë stadiume janë mbyllur atëherë ka patur një nxitim nga FSHF dhe klubi i Partizanit. Në Selman Stërmasi gjendja e fushës lë për të deshiruar, ndërsa Air Albania po bëhet gati për ndeshjet e kombëtares.

Kompleksi i ri i Partizanit është ndërtuar në zonën e Tufinës, në një ish-rrepart ushtarak pranë "Rrapit të Treshit". Stadiumi në fjalë ka një kapacitet prej 4500 vendesh, ndërsa ka nisur të ndërtohet që në gusht të 2016.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Debati për ish-agjentin e FBI, sipas jush kush ka të drejtë?



×

Lajmi i fundit

Serbët lokalë bllokojnë rrugën që të çon në Leposaviq, kundërshtojnë vendimin e autoriteteve për ndërtimin e bazës së re kufitare

Serbët lokalë bllokojnë rrugën që të çon në Leposaviq, kundërshtojnë vendimin e autoriteteve për ndërtimin e bazës së re kufitare