POP 5

Lajmet më të lexuara të 5 minutave të fundit

Sport

Historike, Tirana 24 herë kampion
bie nga Superioria në kategorinë e 1
Kukësi "çon" në qiell superligën e parë

Në Stadiumin “Loro Boroçi” të Shkodrës është luajtur ndeshja mes skuadrës së Vllaznisë dhe Tiranës, ku kryeqytetasit nuk arritën të siguronin fitoren për të qëndruar në Superligë.. FOTO
SHKODER-Në Stadiumin “Loro Boroçi” të Shkodrës është luajtur ndeshja mes skuadrës së Vllaznisë dhe Tiranës, ku kryeqytetasit nuk arritën të siguronin fitoren për të qëndruar në Superligë.
 
Ndeshja ka përfunduar me rezultatin 0-0, ku kryeqytetasit për herë të parë në historinë e futbollit nuk do jenë pjesë e “Superligës”.
 
Tirana 24 herë kampion nuk bën dëtyrën, ndërsa Laçi dhe Flamurtari  mposhtën kundërshtarët respektivë si Teuta dhe Korabi.
 
Pas 36 javësh, Tirana u rendit e 9-ta me 38 pikë, 1 më pak se Laçi, Flamurtari dhe Teuta.

Stadiumin “Loro Boriçi” ishte mbushur si rrallëherë në vitet e fundit nga tifozeria shkodrane. 

Skuadra shkodrane mbështetej nga tifozë të shumë, pasi hyrja në “Loro Boriçi” ishte falas.
 
Pjesa e parë fliste për shkodranë, por Ilion Lika nuk lejoi gol në portën e tij.
 
Pas pushimit lojtarët e Tiranës krijuan më shumë, por pa mundur të shënojnë në portën e Erind Selimajt.
 
Nervozizmi në çastet e fundit la ekipet me nga 10 futbollistë, për shkak të kartonëve të kuq.

Cisse dhe Pjeshka lanë fushën.

Kjo sfidë tepër e rëndësishme u gjykua nga italiani Paolo Mazzoleni për të shmangur çdo kontestim.

[gallery]22465[/gallery] 
Në Superligë qëndroi edhe Flamurtari që fitoi 3 – 0 me Korabin në sfidën e fundit të kampionatit.

Kukësi pësoi humbjen e parë në këtë kampionat, 1 – 0 me Luftëtarin në Gjirokastër.

Në barazim 2 – 2 përfundoi sfida Skënderbeu – Partizani.

Kukësi "con" në qiell superligën e parë 

Luftëtari ka mposhtur Kukësin për herë të parë në këtë Superligë. Gjirokastritet kanë mposhtur kukësianët  në shtëpi me rezultatin minimal 1-0.
 
Ekipi i drejtuar nga Ernest Gjoka nuk kishte regjistruar asnjë humbje deri në javën e fundit.
 
Sezoni 2016-2017 mbyllet me dy ngjarje mjaft të veçanta për historinë e futbollit shqiptar. Kukësi për herë të parë kampion, ndërsa Tirana bie për herë të parë në Kategorinë e Parë.
 
Kur u mbyll java e 36-të, e fundit, Kukësi mblodhi 75-së pikë, 3 më shumë se Partizani që u shpall nënkampion.


/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

FOTO/ Parku kombëtar i Shebenikut me borë! Lëvizja e detyrueshme me goma dimërore e zinxhirë

FOTO/ Parku kombëtar i Shebenikut me borë! Lëvizja e detyrueshme me goma dimërore e zinxhirë

12 Janar, 13:41