Hodhi foshnjën e saj 6-ditëshe në lumin Kir, lihet në burg nga Gjykata e Shkodrës 32-vjeçarja

SHKODËR- Gjykata e Shkalles së parë Shkodër ka caktuar masën e sigurisë ‘Arrest me burg’  32 vjeçaren që ka vrarë foshnjën e saj. Në seancën gjyqësore 32-vjeçarja nuk ka folur. Ndërsa avokati Bruno Pepaj e ka kërkuar ndryshimin e veprës penale nga vrasje në rrethana tjera cilësuese në vrasje e të miturve. Që është refuzuar nga gjykatësi i cili ka lënë në fuqi kërkesën e Prokurorisë dhe cilësimin e veprës penale. 32-vjeçarja do i nënshtrohet edhe një ekspertimi psikologjik. Avokati do të thirret nga Gjykata, pasi nuk ka ende nje avokat për ta mbrojtur në këtë çështje të rëndë.

Ngjarja e rëndë ndodhi në fshatin Golem më 4 janar. Vajza e pamartuar, identitetin e së cilës “Report TV” ka vendosur të mos e publikojë, e ka kryer krimin në gjendje të rënduar psikologjike. Ajo ishte e pamartuar dhe nuk kishte familje, ndaj jetonte me dajën në fshatin Golem, ndërsa fëmijës nuk i kishte deklaruar atësinë.

Foshnja erdhi në jetë në datën 30 dhjetor 2022, ndërsa O.G doli nga materniteti i Shkodrës në datën 4 janar 2023. Në gjendje të rëndë psikologjike, e reja e hodhi foshnjën në rrjedhën e lumit Kir dhe të premten e 6 janarit është drejtuar te murgeshat, të cilave u ka rrëfyer krimin e rëndë.

“E kam hedhur sepse nuk kisha ku ta lija”, mësohet se ka thënë ajo, ndërsa murgeshat njoftuan menjëherë policinë.

Me të marrë denoncimin blutë e Shkodrës nisën kërkimet në vendin e quajtur Postribë gjetën trupin e pajetë të foshnjës. E reja është vënë në pranga, ndërsa mbi të rëndon akuza e vrasjes. Mjeku i maternitetit të Shkodrës ka bërë me dije se 32-vjecarja refuzoi të regjistronte atësinë e fëmijës. Ajo kishte kërkuar që ta dorëzonte në shtëpinë e foshnjës por më pas kishte ndryshuar mendje dhe e kishte marrë me vete foshnjën.

Rendit zhvillimet sipas orarit:

Të Fundit Të Parat

G.MO/Shqiptarja.com

TAG:
• nena hedh foshnjen ne lum
• Shkoder