Hodhi gruan e tij shtazënë nga shkëmbi për të përfituar paratë e sigurimit, akuzohet për vrasje me paramendim turku

Një gjykatë turke në Fethiye  ka akuzuar për vrasje me paramendim, Hakan Aysal, 40 vjeçarin turk i cili e shtyu gruan shtatzënë nga shkëmbi pasi ata bënë një selfie. Prokurorët e akuzojnë bashkëshortin e së ndjerës se e vrau atë për të marrë paratë e shpërblimit. Akuza për vrasje me paramendim vjen më shumë se dy vjet pas vdekjes së gruas së tij Semra Aysal, 32 vjeç.

Në kohën kur rënia fatale u konsiderua si një aksident tragjik, Aysal i tha policisë se ajo humbi ekuilibrin e saj dhe rrëshqiti. Në zonën ku ndodhi ngjarja nuk kishte asnjë person tjetër dhe gruaja ra më shumë se 300 metra në një zonë piktoreske të provincës Mugla, në juglindjen e Turqisë, në qershor 2018.

Më shumë se dy vjet më vonë, Aysal u arrestua pasi ai kishte marrë një sigurim të jetës për gruan e tij.

"Në përputhje me planin e tij, i pandehuri bëri sigurimin e aksidenteve personale në emër të gruas së tij, me një garanci prej 400,000 lira (74,000 dollarë amerikanë), me përfituesin e vetëm veten e tij," lexohej në aktakuzë.

Aktakuza pretendon se  Aysal e mori gruan e tij në breg të lumit ndërsa ishin me pushime, pastaj e shtyu atë nga shkëmbi. Në atë kohë ajo ishte shtatë muajshe shtatzënë. Më vonë ai shkoi në kompaninë e sigurimeve për të kërkuar dëmshpërblimin. Nëse ai shpallet fajtor mund të dënohet me burgim të përjetshëm.  

TAG:
• vrasje
• turqi