Delvinë/ Goditi me gur arbitrin, arrestohet 50-vjeçari, ish-futbollist i Delvinës

Policia e Delvinës ka arrestuar Tritan Pipiko, 50 vjeç, ish-futbollist i skuadrës së Delvinës, pasi hodhi sende të forta në fushë duke dëmtuar arbitrin e ndeshjes Delvine-Elbasan.

Gjatë ndeshjes së futbollit të kategorisë së dytë, ndërmjet skuadrave të Delvinës dhe Elbasanit, të zhvilluar ditën e sotme, në stadiumin “Panajot Pano”, Delvinë, 50-vjeçari nga lartësia e një pallati afër stadiumit, ka hedhur sende të forta (gurë), në fushë duke dëmtuar arbitrin e ndeshjes,  Xh. A., i cili pasi ka marrë ndihmë mjekësore në spital është larguar në banesë.

Materialet i kaluan  Prokurorisë, për veprat penale “Goditja e sportistit, trajnerit, ndërmjetësit sportiv” dhe “Veprime të dhunshme në aktivitet sportive”.

Lajmi kryesor:

VIDEO/ Rikthehet dhuna në futbollin shqiptar, ish-futbollisti i Delvinës godet me gurë arbitrin e ndeshjes! Arrestohet nga policia

M.Q./Shqiptarja.com

TAG:
• kategoria e dyte
• delvina
• af elbasani
• Vlore