Holanda ka vendosur të shpallë gjendjen e jashtëzakonshme në mënyrë që të kufizojë numrin e azilkërkuesve që hyjnë në vend duke e bërë vendin sa më jotërheqës që të jetë e mundur për migrantët.
Ministrja e krahut të djathtë për Azilin, Marjolein Faber tha se masa do t’i mundësonte qeverisë holandeze që të pezullonte shumë shpejt pjesë të ligjeve ekzistuese të azilit.
“Holanda do të ketë rregullat më të rrepta të azilit dhe imigracionit në Evropë dhe do të vendosë kontrolle më të ashpra kufitare”, tha ajo.
Faber planifikon të kufizojë bashkimin familjar, të rrisë numrin e dëbimeve të shkelësve dhe azilkërkuesve të refuzuar dhe të zvogëlojë mundësitë e njerëzve për të apeluar kundër vendimeve gjyqësore.
Qeveria gjithashtu dëshiron të paraqesë një kërkesë në Komisionin Evropian për t’u lejuar të devijojë nga politikat e BE-së për azilin dhe migracionin.
“Është koha për një ndryshim drastik të kursit. Ne po marrim masa për ta bërë Holandën sa më jotërheqëse për azilkërkuesit”, tha Faber.
Detajet e planit u njoftuan teksa qeveria e kryeministrit Dick Schoof prezantoi programin e saj politik në Hagë.
Rreth 40 000 azilkërkues mbërrijnë në Holandë çdo vit, gjë që kritikët argumentojnë se ka përkeqësuar mungesën e strehimit në vend.
Qeveria holandeze mund të përdorë një dekret mbretëror për të vendosur një gjendje të jashtëzakonshme në rast krize duke e lejuar atë të marrë masa pa miratimin e parlamentit, siç ndodhi gjatë pandemisë së koronavirusit.
Megjithatë, vendimi duhet të justifikohet ligjërisht dhe ekspertët ligjorë kanë vënë në dyshim nëse numri i azilkërkuesve - i cili ka mbetur i qëndrueshëm - është i mjaftueshëm për t’u shpallur krizë.
Partitë opozitare kanë reaguar të indinjuar, duke e quajtur planin e qeverisë jodemokratike dhe duke argumentuar se kriza e banesave është pasojë e masave shtrënguese.
Ulja e numrit të azilkërkuesve dhe emigrantëve është një nga synimet kryesore të qeverisë së re holandeze, e cila mori detyrën në korrik.
Koalicioni katërpartiak përfshin partinë populiste PVV, e cila kryesoi zgjedhjet parlamentare në nëntor 2023./ATSH
Lajme të tjera
-
Eurojust godet rrjetin global të vjedhjes së të dhënave! Pre skemës miliona persona
29 Tetor, 15:47 -
“Wir schaffen das”: Jehu i politikës së Merkelit në Ballkanin Perëndimor
27 Tetor, 18:26 -
Liga e Kombeve/ Gjermania tri pikë në Bosnjë, Holanda barazon në Budapest! Fitojnë Turqia dhe Ukraina
12 Tetor, 09:35 -
Shqipëria dhe Kosova kryesojnë në Ballkan për numrin më të lartë të azilkërkuesve në vendet e BE-së
16 Shtator, 15:20 -
Mbi 500.000 kërkesa për azil në Evropë në gjysmën e parë të vitit
16 Shtator, 09:10 -
Spektakël por jo fitues në Holandë-Gjermani! Kolumbia thyen Argjentinën, Brazili në krizë (VIDEO)
11 Shtator, 12:17 -
Mijëra policë në gatishmëri në Britaninë e Madhe, protestuesit paralajmërojnë përshkallëzim
7 Gusht, 10:43 -
Rebelët ‘gjueti’ emigrantësh në Angli! Sulmohen hotelet e azilkërkuesve, xhamitë e dyqane
5 Gusht, 14:14 -
Euro 2024/ Koeman mes dëshpërimit: Holanda meritonte shtesën, jam krenar për lojtarët
11 Korrik, 14:32 -
Euro 2024/ Virgil van Dijk e quan skandal, çfarë bëri arbitri Zwayer pas përfundimit të Holandë 1-2 Angli
11 Korrik, 14:01 -
Euro 2024/ Heroi i Anglisë që u fut nga stoli, Ollie Watkins: I thashë Palmerit, betohem për jetën e fëmijëve
11 Korrik, 09:15 -
Euro 2024/ 'Tre Luanët' përmbysin 1-2 Holandën në minutën e 90-të! Spanjë - Angli është finalja e Evropianit
10 Korrik, 22:55
