POP 5

Lajmet më të lexuara të 5 minutave të fundit

Sociale

Homazhe për Qazim Sejdinin, Veliaj: Na i bënte më të lehta sfidat, do ta kujtoj për zemrën e bardhë

Sejdini u nda nga jeta dje në moshën 73-vjeçare pas një beteje me një sëmundje të rëndë.

Në qytetin e Elbasanit, ditën e sotme, u zhvilluan homazhe në nder të ish-kryebashiakut të Elbasanit, Qazim Sejdini.

Qazim Sejdini u nda nga jeta dje (12 qershor) në moshën 73-vjeçare pas një beteje me një sëmundje të rëndë.

Pjesë e homazheve, të cilat u zhvilluan në teatrin Skampa të Elbasanit, ishte kryetari i Bashkisë Elbasan Gledis Llatja, kryebashkiaku i Tiranës, Erion Veliaj, miq, të afërm dhe familjar të ish-kryebashkiakut.

Kryebashkiaku Erion Veliaj, në një prononcim për media, ndërsa u shprehi ngushëllime familjes vlerësoi figurën e Sejdinit për humorin që ai kishte.

“Ngushëllime familjes dhe qytetarëve të Elbasanit. Qazimi ka qenë aty që kur shumë prej nesh ishin fillestar në politikë. Kujtoj gjithmonë me shumë dashuri humorin dhe se si na e bënte me të lehtë ato sfida që na dukeshin të mëdha sa bota. Do ta kujtoj për zemrën e bardhë, batutën e fortë dhe për dashurinë e madhe për ata që punoj”, tha Veliaj.

Edhe kryetari i bashkisë Elbasan, Gledis Llatja, u shprehu ngushëllime familjarëve për ndarjen nga jeta të Sejdinit, ndërsa vlerësoi punë e bërë prej tij kur ishte drejtues i Bashkinsë së Elbasanit.

“Qazim Sejdini do të mbetet gjatë në Elbasan. Punë e tij e ka sot konkrete në të gjitha rrugët e Elbasanit, në sheshin kryesor të qytetit, në kopshte, në shkolla, në çerdhe. Është një politikan që ka bërë luftra jo vetëm në Elbasan, por edhe në politikën e madhe. Është i paharruar. Dua ti shpreh ngushëllime familjarëve dhe atyre që e kishin mik”, tha ai.  

 

S.B/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tani: 13/06/2024 16:06

    Hajdutet ngushellijne hajdutet. Hajt se po ju vjen rradha ne Spak te gjitheve.

    Përgjigju
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

Ministri Hoxha takohet me homologen britanike: Bashkëpunim të ngushtë në luftën kundër krimit të organizuar

30 Mars, 22:57