POP 5

Lajmet më të lexuara të 5 minutave të fundit

Bota

Tragjike në Torino, treni me shpejtësi marramendëse merr përpara 5 punëtorët e hekurudhës! Po riparonin shinat

Aksidenti i rëndë hekurudhor u shënua në Itali pak minuta pas mesnatës. Një tren pasagjerësh i shpejtësisë së lartë përplasi punëtorët e mirëmbajtjes së hekurudhës në linjën Torino-Milano. Pesë punëtorë humbën jetën, ku më i riu është 22 vjeç.

TORINO- Një aksident i rëndë hekurudhor u shënua në Itali pak minuta pas mesnatës (31 gusht 2023). Një tren pasagjerësh i shpejtësisë së lartë përplasi punëtorët e mirëmbajtjes së hekurudhës në linjën Torino-Milano, në një zonë ku po kryheshin punimet. Për pasojë 5 punëtorë humbën jetën mbi trasenë e hekurudhës ku më i riu ishte 22 vjeç.

Punëtorët, të 5-të shtetas italianë janë marrë zvarrë për qindra metra nga treni që po udhëtonte me 160 km në orë drejt Torinos dhe po transportonte vagona nga një stacion në tjetrin.

Aksidenti ka ndodhur në mesnatë mes Chivasso dhe Brandizzo në një zonë ku po punonin punonjësit e kontraktorit që mirëmban hekurudhën ndërsa treni arriti të frenojnë 1 km nga vendi ku përplasi punëtorët.

Punëtorët ishin të gjithë punonjës të kompanisë, Sigifer e Borgo Vercelli. Në vendngjarje ndodhen patrulla të shumta të karabinierëve si dhe ekipe të ndryshme zjarrfikëse.

Autoritetet hekurudhore italiane po hetojnë dinamikën e ngjarjes ndërsa është pezulluar qarkullimi hekurudhor ndërsa shumë udhëtime me tren janë anuluar.

Viktimat nga aksidenti tragjik janë shtetasit italianë Kevin Laganà, 22 vjeç, nga Vercelli, Michael Zanera, 34 vjeç, nga Vercelli, Giuseppe Sorvillo, 43 vjeç, lindur në Capua dhe banues në Brandizzo, Giuseppe Saverio Lombardo, lindur në Marsala dhe banues në Vercelli dhe Giuseppe Aversa.

Në përditësim...

Rendit zhvillimet sipas orarit:
Ora 12:54
Humbi jetën në aksidentin hekurudhor në Torino, 34-vjeçari kishte postuar një video nga gjurmët e stacionit Brandizzo pak orë para tragjedisë

Michael Zanera, 34-vjeçari që humbi jetën në aksidentin e rëndë hekurudhor bashkë me katër punëtorët e tjerë, kishte ndarë me ndjekësit e tij në TikTok, një video nga gjurmët e stacionit Brandizzo pak orë para se të vdiste.

“Zoti do të më thotë diçka”, ishte mesazhi që i riu mendoi se mori kur kryqi u shfaq teksa balanconte hekurudhën, vetëm pak orë para se të humbte tragjikisht jetën.

“Ndërsa po balancoj hekurudhën, u shfaq kryqi, është hera e parë që më ndodh kjo, Zoti do të më thotë diçka”, ka shkruar i riu krahas videos së publikuar për ndjekësit e tij.

 

M.T/Shqiptarja.com

Ora 08:54
Aksidenti hekurudhor në Torino, ja kush janë 5 viktimat (FOTO)

 

Personat që shihni në foto janë 5 punëtorët që mbetën viktimë në saj të një aksidenti hekurudhor në Torino. 

Mediat italiane kanë identifikuar edhe viktimat nga aksidenti tragjik, Kevin Laganà, 22 vjeç, nga Vercelli, Michael Zanera, 34 vjeç, nga Vercelli, Giuseppe Sorvillo, 43 vjeç, lindur në Capua dhe banues në Brandizzo, Giuseppe Saverio Lombardo, lindur në Marsala dhe banues në Vercelli dhe Giuseppe Aversa.

 

G.MO/Shqiptarja.com

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 31/08/2023 09:47

    Ngushellime familjeve. Keto aksidente absurde duhet te mbeten ne kujtesen e shqiptareve qe mos ta nxijne vendin e vete si Republike Bananesh sa here qe ndodhin ngjarje te ngjashme ose shume here me pak te renda se sa ky rast apo ai ne Greqi para 1 viti. Shqiperia dhe shqiptaret ne vetvete kanë probleme dhe problematika që vijnë dhe nga kultura e punës apo ajo e përgjithshme, por jo më shumë se në vendet e tjera që në pamje të parë duken më të zhvilluara.

    Përgjigju
  • Ben: 31/08/2023 09:00

    Po pse o maks bolja po te ishin shqiptar ça ndryshimi ka .

    Përgjigju
  • adela: 31/08/2023 08:37

    ENEMY PENTA KILL

    Përgjigju
  • Maks: 31/08/2023 07:43

    Gjynaf i madh Ne itali aksidentet ne pun jan te madha Vdesin cdo vit rreth 2000 puntor Ishalla nuk ka shqiptar Me dijenin time kjo ndermarje riparuese ka shum puntor shqiptar Megjithate ngushellime familjeve

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE! Shkakojnë kancer

Presidenti i Urdhrit Veterinar denoncon: Mandarinat në Shqipëri me mbetje pesticidesh të ndaluara në vendet e BE! Shkakojnë kancer

18 Dhjetor, 15:49