Hoxha para sfidës me Qarabag: Shpresoj të shkoj me penallti, as me Ferensvaroshin nuk e besonte njeri se do kalonim

Në konferencën për shtyp para ndeshjes me Qarabag, e vlefshme për turin e parë eliminator të Champions League, përveç trajnerit të partizanit lerda ishte edhe kapiteni Alban Hoxha. Numri 1 i portës së të kuqve iu përgjigj disa pyetjeve.

GRUPI – Kemi bërë mirë në përgatitje të mira gjatë tre javëve. Kërkojmë të bëjmë mirë në përballjen me Karabakun.

PENALLTI – Për sa i përket penalltive, në grup ka edhe lojtarë që i gjuajnë më mirë se unë, por patjetër që do e gjuaja nëse më kërkohet. Nuk jam tip emocional. Shpresoj që kualifikimi të vendoset me penallti. Do jetë bukur, sepse e kam unë në dorë. Por, në total janë dy ndeshje, dhe duhet të shohim këtë të parën njëherë.

KUALIFIKIM? – Edhe pas ndeshjes së parë me Ferencvaroshin, asnjë nuk priste të kualifikoheshim, se nuk ishim favoritë. Futbolli është i çuditshëm dhe ndodhin edhe të papriturat. Shpresojmë për një rezultat pozitiv. Karabaku është superior ndaj ekipeve që kemi luajtur më parë. Edhe për Mariborin u tha që ishte ekip i fortë, por në fushë ishim thuajse të barabartë. Ne do bëjmë lojën tonë.

VAPA – Do ishte mirë që të luhej në darkë, por ky është orari, dhe tani nuk kemi se çfarë të bëjmë. Do jetë e vështirë, por do japim maksimumin.

MBROJTJA – Golat e pësuar nuk kanë qenë pjesë e lojës që kemi bërë. Kemi luajtur mirë në miqësore, thjesht mendoj se nuk kemi pasur shumë vëmendjen. Trajneri po punon për skemën e tij.

KËSHILLA NGA AGOLLI – Edhe pse e njoh, nuk e kam pyetur Agollin për këtë takim.

Penalltitë- Shpresoj të shkojë te penalltitë se do jetë e bukur se e kam në dorë unë. Por janë dy ndeshje dhe duhet të jemi të përqendruar fillimisht te kjo sfidë e parë pastaj të shohim”.

Ne.k./Shqiptarja.com

TAG:
• partizani
• Alban Hoxha
• Qarabag