POP 5

Lajmet më të lexuara të 5 minutave të fundit

Kronikë

Humbi jetën gjatë lindjes në maternitet, familjarët e 30-vjeçares protestë para prokurorisë në Fier: Po neglizhon rastin, mjekët po tentojnë të fshehin provat (VIDEO)

Lamaj, i cili bëri kallëzim penal në polici për mjekët për mjekim të pakujdesshëm ndaj bashkëshortes së tij, thotë në një prononcim për mediat se prokuroria po neglizhon rastin dhe se mjekët po tentojnë që të fshijnë të gjitha provat. Sipas dëshmisë së mjekëve, shkak i humbjes së jetës së 31-vjeçares ka qenë infarkti akut i miokardit

FIER- Leonard Lamaj, bashkëshorti i së ndjerës Elisabeta Lamaj, 30 vjeçares nga Ballshi, e cila ndërroi jetë me 10 prill pas anestezisë lokale gjatë lindjes, ka protestuar ditën e sotme para prokurorisë së Fierit.

Lamaj, i cili bëri kallëzim penal në polici për mjekët për 'mjekim të pakujdesshëm' ndaj bashkëshortes së tij, thotë në një prononcim për mediat se prokuroria e Fierit po neglizhon rastin dhe se mjekët po tentojnë që të fshijnë të gjitha provat. Sipas dëshmisë së mjekëve, shkak i humbjes së jetës së 31-vjeçares ka qenë infarkti akut i miokardit.

Bashkëshorti dhe familjarët e së ndjerës, kërkojnë zbardhjen e ekspertizës mjeko-ligjore, dhe shtojnë se ato do t’i shkojnë deri në fund deri sa të zbulohet fajtori, ku sipas tyre janë mjekët.

‘Të gjithë pjesët që ka shqyrtuar prokuroria, duke marrë nga materialet nga kamerat, nga mospyetja e një familjari tonë, të gjitha këto mua më çojnë në neglizhim. Mosdalja e ekspertizës mjeko-ligjore e cila ka afate ligjore deri në 2 javë sot ne kemi 4 javë e dy ditë gjë që do të thotë askush nuk na ka dhënë një përgjigje dhe as nuk duan të na japin një përgjigje. Ai mjek plehra me gjithë të shoqen kanë fshirë çdo gjë dhe mendojnë se do të mbetet në heshtje, por kjo gjë nuk do të mbetet në heshtje do të vazhdojmë deri në fund deri sa fajtori të dalë. Realisht aty ka shumë fajtorë, salla nuk ka qenë gati. Të më japin një shpjegim unë kërkoj një të drejtë. Prokuroria është ajo që nxjerr dhe i kërkoj të nxjerrë sa më shpejt ekspertizën mjeko-ligjore.’- tha bashkëshorti i saj.

Një familjarë tjetër i irrituar tha se do të bëjnë vetëgjyqësi nëse nuk sqarohet ngjarja nga prokuroria.

'Kush e vrau Elisabetën! Ndryshe do të hakmerremi me doktorin, ose do të bëjmë vetëgjyqësi. Jemi shumë të irrituar nuk mund të presim më. Duam që të na e sqarojë shteti, a ekziston apo jo.'- tha familjari.

Mësohet se prokuroria ka nisur hetimet për këtë çështje, dhe për zbardhjen e autopsisë për të nxjerrë konkluzionet mjeko-ligjore që çuan në vdekjen e së resë.Familjarët janë larguar nga prokuroria, pasi kjo e fundit u ka thënë që ta dërgojnë një kërkesë me postë, ku do të marrin përgjigje zyrtarisht.

Elisabeta Lamaj ndërroi jetë në maternitetin e Fierit, gjatë lindjes dhe fatmirësisht foshnja që ajo solli në jetë gëzon shëndet të plotë, ndërsa nuk dihen ende shkaqet zyrtare të vdekjes së të resë, nënë edhe e një fëmijë tjetër 5 vjeç. 

 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46