Baki Kuçaj, shqiptari që humbi kontaktet në burgun në Hamburg të Gjermanisë, sipas një dëshmie do të rrijë gjatë aty. Familja e tij nuk mësoi kurrë zyrtarisht për çfarë ishte dënuar, me 22 vite burg në shtetin gjerman, por një dëshmi nga Gjermania zbardh më shumë mbi misterin, që mbart historia e dënimit të shqiptarit Baki Kuçaj, që u humbi kontaktet me familjen në maj të vitit 2019.
Dëshmitarja nga Gjermania, në një lidhje telefonike për emisionin ‘Pa gjurmë’ konfirmon se 58-vjeçari ndodhet pas hekurave dhe se vitet e gjata të dënimit nuk lidhen me shkelje të paligjshme të kufirit, por me një tjetër vepër penale.
‘E para, Gjermania nuk dënon për shkelje azili apo shkelje të paligjshme të kufirit. Unë shkova në polici dhe të dhënat merren në rrugë zyrtare. Në polici nuk mbarova dot punë. Mora nga burgu në telefon dhe e konfirmoj që Baki Kucaj ndodhet ende atje, në Gjermani. Dikush më ndihmoi të lidhem me një person, që dyshoj se ishte drejtoresha e burgut. Ajo nuk më tha se nuk ekziston ky person, por më tha të kryeja procedurat për ta verifikuar. Iu luta një personi tjetër një shtetasi gjerman për të më ndihmuar, të më jepte të dhënat. Ai më tha se nuk është dënuar për shkelje të paligjshme të kufirit, por për një tjetër vepër penale. Për të cilën ai e ka të ndaluar për të tjera informacione, pasi kërkohen veprime ligjore për të shkuar më tej’, dëshmon nga Gjermania dëshmitarja me iniciale M. A.
Pikëpyetje të mëdha për shqiptarin për të cilin familja jo vetëm që nuk ka dijeni përse akuzohet ai, por se çdo linjë u ndërpre në maj të vitit 2019. Gjatë një lidhje me skype nga Fieri, djali Ardian Kuci, i të humburit tha se kontakti i fundit me të atin ishte kur u takuan në burgun e Hamburgut në vitin 2019, vend nga i cili nuk mësoi më për fatin e të atit, ndaj u drejtua në emisionin ‘Pa Gjurmë’ për të kërkuar ndihmë.
‘Fillimisht mësova se ndodhej në një burg në Friburg në vitin 2018. Shkova në Gjermani për të bërë takimin me të në arë burg, ku mora një adresë. Por nuk ndodhej aty babai. As në stacionin e policisë nuk më dhanë asnjë informacion. Një vit më pas gardistët më thanë që e transferuan në Hamburg në vitin 2019. Në maj të vitit të kaluar atje e takova për herë të fundit. Babai më tha se nuk e di pse më sollën këtu. Ai më tha, që për punë ditësh do të dilte dhe më pas do të riatdhesohej. Pas këtij momenti, nuk mësuam dot asgjë’.
Kështu humbi kontaktet nga burgu në Gjermani një vit më parë, Baki Kucaj nga Vlora. Kjo nuk ishte hera e parë që ai ndërpriste marrëdhëniet me familjen, pasi që prej vitit 1991 emigrimi në Gjermani ka bërë që ai të kalojë më tepër kohë në burg se sa jashtë tij. 58-vjecari bie sërish në burg. Po çfarë mund ta ketë bërë atë të rikthehet prapa hekurave, cilat janë akuzat e tjera që rëndojnë mbi të dhe çfarë fshihet pas kësaj ?
Lajme të tjera
-
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
'The New York Post': Evropa përgatitet për Luftën e Tretë Botërore, dokumentet sekrete gjermane zbulojnë planet
21 Nëntor, 08:26 -
Gjermania furnizon për herë të parë Ukrainën, i jep 4000 dronë me inteligjencë artificiale
20 Nëntor, 11:45 -
Presion ndaj Scholzit që të mos garojë për një tjetër mandat si kancelar i Gjermanisë
19 Nëntor, 20:09 -
Dëmtohet kablloja nënujore mbi 1 mijë kilometra e gjatë që lidh Gjermaninë me Finlandën, Berlini: Sabotim
19 Nëntor, 16:05 -
Gjermani/ Të Gjelbrit zgjedhin Robert Habeck si kandidat për kancelar në zgjedhjet e parakohshme
17 Nëntor, 18:07 -
Pas kritikave të shumta, Scholz mbron vendimin për telefonatën e tij me Putinin
17 Nëntor, 16:39
