Humbi 'vulën' e PD nga Apeli, Berisha: Do e çojmë në Gjykatën e Lartë edhe pse s’presim vendim tjetër! Çështja do shkojë në Gjykatë ndërkombëtare

 

Ish kryeministri Sali Berisha ka vepruar pa surpriza një ditë pasi Apeli vendosi t’ja linte ende vulën Partisë Demokratike të Alibeajt. Ai u shpreh se do e çojë vendimin në Gjykatë të Lartë dhe ironizoi Sokol Sadushi gjykatësin. Berisha theksoi se nuk pret asgjë ndryshe nga vendimi dhe si rezultat do e çojë në Gjykatën Ndërkombëtare.

“Vendimi i juristëve se ky akt, ky vendim të dërgohet për rekurs në Gjykatën e Lartë. E them unë që njerëzit mund të habiten sesi do e dërgojmë ne këtë te Sadushi. Do e çojmë dhe do kërkojmë përjashtimin e Sadushit. S’presim gjë tjetër, por ne do e dërgojmë vendimin në Gjykatën Ndërkombëtare.

LEXO EDHE:
Imagjinoni, sikur të rikthehen në pushtet…

Në këtë rast Sadushi që është edhe ai në vetvete ekzemplar në vendimet dhe qëndrimet e tij, simbol i korrupsionit të dokumentuar. Do kërkojmë përjashtimin e tij nga gjykimi, ata do marrin vendimin e tyre. përveç kësaj rruge PD duhet të përcaktojë qëndrime të tjera. Ky është aspekti më i thjeshtë i saj.”- tha Berisha.

Lajmi kryesor:

Apeli i dha ‘vulën’ Alibeajt, Berisha mbledh Kryesinë: Kandidatët për zgjedhjet vendore do i regjistrojmë me koalicion, jo të pavarur! Rekurs vendimit në Gjykatën e Lartë

G.MO/LR/Shqiptarja.com

TAG:
• 3 marsi i pd
• sali berisha
• selia blu
• Yuri Kim
• edi rama