Humbja 1-3 e Kombëtares U-21, Alban Bushi: I falëm golat, Zvicra më e freskët fizikisht

Kombëtarja U-21 u mposht nga moshatarët e Zvicrës 1-3 në "Air Albania", me sfidën që vlente për kualifikueset e grupit E të Euro 2025. Pas ndeshjes për mediet foli trajneri i kuqezinjve. Alban Bushi tha për Supersport se ishin gabimet ato që vendosën lojën, teksa nuk do heqin dorë nga kualifikimi.

"E dinim forcën e Zvicrës, një kundërshtar shumë i fortë në letër, por edhe në fushë sigurisht. Nuk shkoi mirë ndeshja për gabimet tona, edhe pse Zvicra e kontrolloi lojën.

Bëjmë gabime individuale, duke ia falur vetë golat kundërshtarit. Mundohemi të bëjmë maksimumin në çdo ndeshje. Zvicra ishte më e freskët fizikisht, nuk kishte luajtur pak ditë më parë si ne dhe kjo dukej në lojë. Kemi dhe 3 ndeshje, janë ende pikë në lojë dhe mund të ndodhë gjithçka. Nuk është se do të tërhiqemi në objektivin tonë, do të bëjmë maksimumin.

LEXO EDHE:
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu

Kishim 3-4 lojtarë që janë më të vegjël në moshë, të cilët janë edhe për sezonin e ardhshëm. Kemi një lojtar, një numër 6, më të mirin që kemi pasur. Çunat luftuan në fushë, u përpoqën, ndaj dhe nuk mund të them se i zhgënjyem tifozët që ishin në stadium”, deklaroi Bushi për “Supersport” pas ndeshjes.

 

Lajmi kryesor:

Euro 25/ Shpresat e Alban Bushit s'ia dalin, Zvicra fiton 1-3 në 'Air Albania'

S.DH/Shqiptarja.com

TAG:
• kombetarja shqiptare
• kombetarja U-21
• alban bushi
• fshf
• uefa
• Tirane