Kombëtarja U-21 e Shqipërisë ka humbur 1-3 nga moshatarët e Zvicrës në "Air Albania". Dueli i zhvilluar në Tiranë vlente për grupin E të kualifikueseve të Euro 2025 për këtë moshë, teksa tanët nuk mundën të fitonin as këtë duel, ndërsa katër ditë më parë barazuan 0-0 kundër Finlandës po në Tiranë.
Trajneri Alban Bushi e nisi ndeshjen me këtë formacion: Simoni, Dajko, Gjini, Bajrami, Buxhelaj, Berisha, Feta, Mjaki, Rashica, Pajaziti dhe Nikaj. Në pjesën e dytë u aktivizuan edhe Selimaj, Stiven Shpendi, Frroku, Rexhepi e Kurtulan.
Ndeshja për miqtë u zhbllokua nga Surdez në minutën e 29-të, teksa në fraksionin e dytë Sanches (60') dhe Keller (76') mbyllën llogaritë e ndeshjes. Në fund të takimit, Stiven Shpendi shënoi golin e vetëm për tanët në të 90+3 minutë.
Pas shtatë ndeshjeve të luajtura, kuqezinjtë e vegjël mbajnë vendin e katërt me dhjetë pikë, po aq sa ka edhe Finlanda që mban vendin e tretë. Grupi E kryesohet nga Zvicra me 14 pikë dhe Rumania me 13 pikë. Ndërkohë që Mali i Zi dhe Armenia janë në vendet pesë dhe gjashtë.
Ndeshja e radhës për Kombëtaren U-21 të futbollit është më 7 qershor kundër Malit të Zi, teksa më 6 shtator përballen me Zvicrën. Kjo fushatë mbyllet më 15 tetor kundër Armenisë.
Kombëtarja U-21 u mposht nga moshatarët e Zvicrës 1-3 në "Air Albania", me sfidën që vlente për kualifikueset e grupit E të Euro 2025. Pas ndeshjes për mediet foli trajneri i kuqezinjve. Alban Bushi tha për Supersport se ishin gabimet ato që vendosën lojën, teksa nuk do heqin dorë nga kualifikimi.
"E dinim forcën e Zvicrës, një kundërshtar shumë i fortë në letër, por edhe në fushë sigurisht. Nuk shkoi mirë ndeshja për gabimet tona, edhe pse Zvicra e kontrolloi lojën.
Bëjmë gabime individuale, duke ia falur vetë golat kundërshtarit. Mundohemi të bëjmë maksimumin në çdo ndeshje. Zvicra ishte më e freskët fizikisht, nuk kishte luajtur pak ditë më parë si ne dhe kjo dukej në lojë. Kemi dhe 3 ndeshje, janë ende pikë në lojë dhe mund të ndodhë gjithçka. Nuk është se do të tërhiqemi në objektivin tonë, do të bëjmë maksimumin.
Kishim 3-4 lojtarë që janë më të vegjël në moshë, të cilët janë edhe për sezonin e ardhshëm. Kemi një lojtar, një numër 6, më të mirin që kemi pasur. Çunat luftuan në fushë, u përpoqën, ndaj dhe nuk mund të them se i zhgënjyem tifozët që ishin në stadium”, deklaroi Bushi për “Supersport” pas ndeshjes.
Lajme të tjera
-
Makthi i trafikut, policia nga e hëna me plan operacional! Shërbimet 12 orë në ditë, rrugët me dyndje në monitorim
22 Dhjetor, 15:19 -
Tiranë/ Eksploziv banesës në katin e 9-të të një pallati, frekuentohej nga Bernard Sinomati, vëllai i 'Buzëderrit' të Vlorës! Policia gjeti sende personale dhe dokumente
22 Dhjetor, 12:33
-
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Tiranë, arrestohet taksisti, akuzohet se i mori me dhunë klientit një shumë parash dhe 2 telefona
22 Dhjetor, 10:35 -
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Nata e dytë e Fest 63, 15 artistë të tjerë ngjiten në skenë
20 Dhjetor, 20:50 -
Konfirmimi i prokurores Eranda Laze ankimohet në Kolegj
20 Dhjetor, 19:41 -
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Të çash trafikun në Tiranë, 'mision i pamundur'! 'Paralizohen' rrugët, radhë të gjata mjetesh edhe në autostradën Thumanë -Kashar (VIDEO)
20 Dhjetor, 17:32 -
U zbulua në Rinas, ilaçi për ftohje a po trafikohet për të përzierë drogën?
20 Dhjetor, 17:25
