Humbja me Italinë, gazetari Koçi nga Dortmundi: Një fitore, shpresë për të kaluar grupin e EURO 2024

Tifozët kuqezi kanë lënë stadiumin pas humbjes së kombëtares me Italinë. Gazetari i Report Tv, Ernest Koçi nga Dortmundi përcjell atmosferën, ndërsa tifozët largohen të zhgënjyer.

Gazetari thotë se mjafton një fitore e kombëtares, pra 3 pikë, që mund të shpresonim për një mundësi që kombëtarja të kalonte grupin.

“Do mjaftonte një fitore për të pretenduar dhe kaluar grupin. Nga grupi mund të kalojë edhe vendi i tretë. Ka qenë gjithçka shumë e shpejtë, pas këndimit të himnit ka shpërthyer stadiumi, ishte u veshur kuqezi dhe pak dalloheshin tifozët italianë, por atë që e bëri më të bukur ishin sekondat e para që solli goli i Bajramit. Ka patur respekt edhe për himnin e Italisë, ndërsa më pas me barazimin e golit stadiumi ra në qetësi. Mjafton një 3 pikësh në një prej ndeshjeve për të shpresuar”, tha gazetari i Report Tv, Ernest Koçi nga Dortmund.

Shqipëria ka edhe dy përballje të tjera, me Kroacinë dhe Spanjën.


Lajmi kryesor:

Euro 2024/ Goli dhe rekordi i Bajramit s'mjaftojnë, Italia përmbys 2-1 Shqipërinë! Dortmundi vishet kuqezi


SI.E./E.B/Shqiptarja.com
  • Sondazhi i ditës:

    Listat e deputetëve të hapura në 2/3 dhe jo plotësisht, jeni dakord?



×

Lajmi i fundit

Hummels po pret transferimin te Real Madridi, 'Galaktikët' marrin vendimin

Hummels po pret transferimin te Real Madridi, 'Galaktikët' marrin vendimin