POP 5

Lajmet më të lexuara të 5 minutave të fundit

Politikë

Hungaria mbyll mandatin 6-mujor të Presidencës së Bashkimit Europian, Veliaj: BE po rritet më e fortë

Në fund të këtij viti, Hungaria përfundon kryesimin 6-mujor të Këshillit të Bashkimit Europian. Ambasada Hungareze në Tiranë organizoi eventin përmbyllës të mandatin të saj, ku mori pjesë edhe kryetari i Bashkisë së Tiranës, Erion Veliaj.

Hungaria mbyll mandatin 6-mujor të Presidencës së Bashkimit Europian, Veliaj: BE po rritet më e fortë

Në fund të këtij viti, Hungaria përfundon kryesimin 6-mujor të Këshillit të Bashkimit Europian. Ambasada Hungareze në Tiranë organizoi eventin përmbyllës të mandatin të saj, ku mori pjesë edhe kryetari i Bashkisë së Tiranës, Erion Veliaj, Ambasadori i BE-së, Silvio Gonzato, Ambasadori i Gjermanisë, Karl Bergner, Ambasadori i Britanisë së Madhe, Nick Abbott dhe përfaqësues të tjerë të trupit diplomatic në Tiranë.

Në fjalën e mbajtur me këtë rast, kryebashkiaku Erion Veliaj, falenderoi ambasadoren e hungarisë dhe skuadrën e saj për punën e shkëlqyer, ndërsa zgjodhi simbolin e kubit të Rubikut për të përshkruar presidencën hungareze të Bashkimit Europian.

“Po mbaj në duar një simbol si Kubi i Rubikut, të cilin nuk ka rëndësi se nga e kthen, por mund të shikosh ngjyrat e Hungarisë, të Italisë me trengjyrëshin, mund të shohësh Spanjën, gjithashtu Rumaninë, Francën, por mund të shikosh edhe Republikën Çeke dhe Slloveninë. Sigurisht, këtu mund të shohim edhe ngjyrat e Shqipërisë, por thënia më e famshme nga Ernő Rubik për kubin e tij ishte: “Është kompleks, por sërish i thjeshtë”. Më pëlqen ta them këtë edhe për Presidencën Hungareze. Qartësisht ka çështje që duhen debatuar, që u duhen dhënë zgjidhje, por sërish janë të thjeshta kur vjen puna për të ruajtur një pozitë solide në Ballkanin Perëndimor, për të siguruar që Bashkimi Europian të rritet më i fortë, të planifikojë për të ardhmen, të mendojë për mbrojtjen pak më tepër seriozisht në dritën e ngjarjeve aktuale”, tha Veliaj.

Nga ana e tij, ambasadori i Bashkimit Europian, Silvio Gonzato tha se ndihet krenar që ndodhet i deleguar në Shqipëri, në një moment historik për popullin shqiptar.

“Ndihem shumë i privilegjuar që përfaqësoj Bashkimin Europian dhe vendet anëtare të tij këtu në Tiranë, në një kohë kur gjërat po bëhen të vërteta dhe të prekshme, dhe më në fund po i përgjigjemi thirrjes së popullit shqiptar për të pasur mundësinë që t’i bashkohen këtij realiteti fantastik, që është Bashkimi Europian. Pas 36 vitesh punë të Bashkimit Europian, këto burokraci të mëdha, disa njerëz thonë që nuk janë edhe aq të mëdha, jam sërish entuziast dhe sërish mendoj se është një nga projektet politike me më shumë vlera të nisura ndonjëherë”, u shpreh ambasadori.

Ambasadorja e Hungarisë në Shqipëri, Martina Laura Kasnyik falenderoi pjesëmarrësit në këtë ceremoni të veçantë dhe vlerësoi hapat e rëndësishëm të Shqipërisë drejt anëtarësimit në Bashkimin Europian, si dhe rezultatet e përbashkëta të arritura së bashku.

Nga 1 janari i viti të ardhshëm, Presidenca e Bashkimit Europian për 6 muajt në vijim do i kalojë Polonisë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    12 Dhjetor, 16:05

    Berishës iu dha zyrtarisht nga gjykata vula e PD, a do të shtohen votat?

Lajme të tjera



×

Lajmi i fundit

Softa: Shkodra kryeqendra e krimit, grupet kanë lidhje me politikën! Lekli: Po ecim mbrapa, shqiptarët bëjnë spektatorin, në vend që të ndihmojnë, filmojnë!

Softa: Shkodra kryeqendra e krimit, grupet kanë lidhje me politikën! Lekli: Po ecim mbrapa, shqiptarët bëjnë spektatorin, në vend që të ndihmojnë, filmojnë!

12 Dhjetor, 19:33