POP 5

Lajmet më të lexuara të 5 minutave të fundit

Bota

Hungaria nuk planifikon të ratifikojë anëtarësimin e Suedisë në NATO javën e ardhshme

Parlamenti i Hungarisë nuk do të ratifikojë anëtarësimin e Suedisë në NATO para pushimeve të verës. Kjo për faktin se çështja nuk është përfshirë në agjendën e javës së ardhshme.

Hungaria nuk planifikon të ratifikojë anëtarësimin e Suedisë në NATO javën e ardhshme

Parlamenti hungarez ratifikon anëtarësimin e Finlandës në NATO (27 mars)

Parlamenti i Hungarisë nuk do të ratifikojë anëtarësimin e Suedisë në NATO para pushimeve të verës. Kjo për faktin se çështja nuk është përfshirë në agjendën e javës së ardhshme.

Mediat hungareze raportojnë se parlamenti, ku është shumicë partia Fidesz e kryeministrit Viktor Orban, do të shtyjë edhe më tej votimin duke shkaktuar përkeqësimin e raporteve me Suedinë.

Nga ana tjetër ministria e Jashtme suedeze nuk i është përgjigjur kërkesës së mediave të huaja për të komentuar mbi ngjarjen.

Suedia dhe Finlanda hoqën dorë nga politika shumëvjeçare e mosangazhimit ushtarak pas nisjes së pushtimit rus të Ukrainës vitin e kaluar. Të dyja shtetet kërkuan siguri më të madhe duke shprehur dëshirën që t’i bashkohen NATO-s. Finlanda u bë anëtare e aleancës në prill, por procesi për Suedinë ka qenë më i ngadalshëm.

Suedia po kërkon që t’i bashkohet aleancës gjatë samitit të 11 dhe 12 korrikut. Përderisa Stokholmi ka mbështetje nga shtetet e tjera anëtare, përfshirë Shtetet e Bashkuara, Turqia dhe Hungaria deri më tani nuk kanë ratifikuar pranimin e Suedisë në NATO.

Me procesin e ratifikimit të bllokuar në Parlamentin hungarez që nga korriku i vitit të kaluar, Orban në shkurt për herë të parë shprehu shqetësimet lidhur me anëtarësimin e Suedisë dhe Finlandës në NATO.

Ai ka akuzuar të dyja shtetet se po “përhapin gënjeshtra” lidhur me demokracinë dhe sundimin e ligjit në Hungari, edhe pse ligjvënësit hungarezë në fund të marsit ratifikuan pranimin e Finlandës në aleancë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Shkodër/ I akuzuar për trafikim narkotikësh në Itali, arrestohet 54-vjeçari

Shkodër/ I akuzuar për trafikim narkotikësh në Itali, arrestohet 54-vjeçari

24 Janar, 09:42