Hyn në fletoren zyrtare projektligji i koncesioneve, ndryshimet i shtojnë kompetencat Ministrisë së Financave

Ka hyrë në fletoren zyrtare projektligji i ndryshuar për koncesionet dhe Partneritetin Publik Privat. Një nga ndryshimet thelbësore që pësoi ky ligj është mospranimi i asnjë oferte të pakërkuar për projektet infrastrukturore, duke nisur nga data 1 tetor 2019. Ky ndryshim vjen pas kritikave të vazhdueshme si nga institucionet ndërkombëtare ashtu edhe nga ato vendase, për riskun e lartë fiskal që mbartin këto koncesionet.

Tashmë oferta e pakërkuar do të pranohet vetëm për ndërtimin e porteve, aeroporteve si dhe në sektorin energjetik. Po ashtu projektligji i ri i shton kompetencat ministrisë së Financave dhe Ekonomisë për një kontroll më të madh mbi kontratat koncesionare, si dhe do të hiqen bonuset prej 10 pikësh për kompanitë garuese për projektet e ndryshme. Ky projektligj është kontestuar  shumë pasi u zvarrit më shumë se tre muaj më pas u miratuar në Kuvend, si dhe pësoi edhe ndryshime të tjera.

Ministria e Financave vendosi të shtyj për në 1 tetor afatin për të mos pranuar oferta të pakërkuara, ndërkohë që data e përcaktuar ishte 1 korriku i këtij viti. Kjo ishte edhe një nga arsyet që dha kreu i shtetit Ilir Meta, për kthimin e këtij ligji për rishqyrtim. Pavarësisht agumentave të presidentit, mazhoranca la përsëri në fuqi projektligjin, që miratoi në seancën e fundit parlamentare në sezonin e kaluar.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 15/09/2019 20:18

    Pse u la per te hyre ne fuqi ne tetor ligji mbi prokurimet ?Apo duheshin dhene me PPP dy rruget qe sjane aq te domosdishme sic jane ajo e Arberit dhe Katdhiq -Delvine .

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Fier, 36-vjeçar fut në makinë të renë me probleme të shëndetit mendor dhe e ngacmon seksualisht

Fier, 36-vjeçar fut në makinë të renë me probleme të shëndetit mendor dhe e ngacmon seksualisht