POP 5

Lajmet më të lexuara të 5 minutave të fundit

Ekonomi

Hyn në fuqi ligji/ Nga sot legalizimet e ndërtimeve pa leje edhe pa paguar taksë infrastrukture

Qytetarët nga sot do të mund të marrin lejen e legalizimit edhe pa e paguar taksën e ndikimit në infrastrukturë. Kështu përcakton nisma ligjore e qeverisë e miratuar pa shumë zhurmë në parlament. Kjo taksë e vendosur në 2018 si detyrim sipas qeverisë ka dëmtuar procesin e legalizimit. Por nga ana tjetër Kontrolli i Lartë i Shtetit thotë se janë mbi 5 mijë legalizime të bëra në shkelje pa e paguar taksën edhe kur ishte detyrim ligjor.

TIRANW- Pa zhurmë dhe debate, Kuvendi ka miratuar nismën ligjore të propozuar nga qeveria për heqjen e detyrimit të pagimit taksës së infrastrukturës për ndërtimet pa leje në proces legalizimi. Ndryshimet ligjore nga sot do të jenë në fuqi. Në ligjin e taksave vendore të mëparshëm saktësohej se asnjë person nuk mund të merrte lejen e legalizimit nëse nuk paguante taksën e ndikimit në infrastrukturë, por tashmë me ndryshimet e pësuara leja mund të përfitohet pa qenë e nevojshme pagesa e taksës.

Konkretisht është shfuqizuar fjalia e dytë e pikës së tretë në nenin 27 të ligjit për taksat vendore ku thuhej, “Leja e legalizimit lëshohet vetëm pasi të jetë vërtetuar pagesa e taksës nga taksapaguesi”. Tashmë kjo fjali është shfuqizuar. Në argumentin e dhënë nga deputetet pohohej se vetëm për shkak të kësaj takse të vënë si kusht ka rënë me 3 fish numri i lejeve të legalizimit të dhëna. Vendosja e pagesës së taksës si detyrim për procedurat e legalizimit u vendos në ligj në vitin 2018, dhe tashmë dy vite më pas ligji ndryshohet, pasi shkaktoi probleme.

Tashmë me ndryshimin e ri legalizimi do të mund të merret edhe pa e paguar detyrimin që të takon. Por nga ana tjetër mbetet përsëri në fuqi niveli i taksës që duhet paguar për ndërtesat, që janë në proces legalizimi, në nivelin e 0.5%.

Mirëpo një raport i KLSH hedh dyshime mbi zbatimin e ligjit në procesin e legalizimit të ndërtimeve informale. Sipas auditimit të kryer për vitet 2016-2019 janë dhënë 5585 legalizime për ndërtime pa leje, të gjitha në shkelje ligjore.

Parregullsia më e madhe që ngrihet në auditim është mos-pagesa e taksës së infrastrukturës nga subjekti, edhe pse ishte detyrim ligjor. Sipas auditimit vetëm nga shkelja e këtij kriteri nga Drejtoria e ALUIZNI-t Tirana Rurale 1 dhe 2 buxhetit të shtetit i është shkaktuar një dëm prej  281,8 milionë lekësh.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lani: 22/08/2020 19:09

    Te hengert mortja edi rama,,ato duhen shembur te gjitha ..ky idiot i legalizon...legalizon shemtiren...

    Përgjigju
  • Iris: 22/08/2020 00:12

    Ketyre legalizimeve te ndertimeve pa leje ,shteti do ja shoje pasojat me vone,si rrufeve qe vetem me vone ua degjon bubullimen.C'para te madhe ka per te paguar shteti ne gjyqet nderkombetare te demshperblimeve!Ketu do jemi.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27