POP 5

Lajmet më të lexuara të 5 minutave të fundit

Politikë

Hysi: 5 sfidat e Kuvendit në 2016

Kuvendi pritet të ketë një punë të ngjeshur në 2016-ën për finalizimin e reformave që i shërbejnë të ardhmes së vendit. Deputetja e maxhorancës Vasilika Hysi veçon pesë prej prioriteteve të punës në Kuvend për këtë vit, duke nisur nga reforma në drejtësi, ajo zgjedhore, ligji i dekriminalizimit, ai i hapjes së dosjeve si dhe vetëqeverisja vendore.  VIDEO
Hysi: 5 sfidat e Kuvendit në 2016
TIRANË - Pesë janë prioritetet e reformave në Kuvend për vitin 2016. Anëtarja e komisionit parlamentar të Ligjeve, deputetja e Partisë Socialiste Vasilika Hysi rendit si punë kyçe në Kuvend, autoritetin që do të ngrihet sipas ligjit për hapjen e dosjeve, implementimin e ligjit të integritetit të figurave ose siç njihet ndryshe si ligji i dekriminalizimit.
 
Vëmendje të veçantë, në kuadër të kompromisit politik, për Vasilika Hysin merr reforma në drejtësi dhe ajo zgjedhore. Për deputeten e maxhorancës impakt pozitiv në 2016-ën pritet të ketë ligji për vetëqeverisjen vendore, sipas të cilit do të bëhet e mundur që organet pushtetit vendor do të funksionojnë me buxhetet e tyre.

"Do kenë mbërritur pranë Kuvendit të Shqipërisë dhe deklaratat e pastërtisë së kandidatëve për autoritetin e hapjes së dosjeve, për këtë autoritet ne miratuam dhe buxhetin. Është pastërtia integriteti i institucioneve ku ka persona të zgjedhur, të emëruar ose që ushtrojnë funksione publike për veprat tashmë që janë kryer vepra kriminale të parashikuara nga kodi penal në këto 25 vite. Gjithashtu do filloj reforma në drejtësi dhe tre mujori i parë i 2016 do ketë një ngarkesë të madhe pune të komisionit të posaçëm për reformën në drejtësi dhe të komisionit për reformën zgjedhore dhe kemi një set të tërë rekomandimesh të OSBE-ODIHR që presin vëmendjen tonë. Për herë të parë do fillojë të funksionojnë me buxhetet e tyre organet e qeverisjes vendore", shprehet Hysi.

Por misioni i parlamentarëve në Kuvend bëhet më i plotë në bashkëpunim me median, e për këtë Vasilika Hysi vlerëson rolin e saj në ndikimin që ka në opinionin publik. Në mënyrë të veçantë Hysi ndalet tek ligji i dekriminalizimit ku mediat kanë akses në verifikimin e vetëdeklarimeve të zyrtarëve në kuadër të ligjit të dekriminalizimit.

"Unë besoj që misioni juaj në 2016 është shumë i rëndësishëm do jeni ju që do bëni sensibilizimin e publikut, do jeni ju që do ndihmoni në zbatimin e këtij ligji sepse ju është njohur e drejta që të merrni vetëdeklarimet tona ti verifikoni dhe të kërkoni", - përfundon deputetja e PS. / REPORT TV/

Redaksia Online
(Gre.M/Shqiptarja.com)

 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Pesha e padurueshme e diktaturave! Kur të zhveshurit ishim ne!

Pesha e padurueshme e diktaturave! Kur të zhveshurit ishim ne!

5 Nëntor, 20:12 nga Alba Malltezi