I çmontuan armët dhe i nxorën nga banesa, si u zbulua arsenali i municioneve luftarake në 5 maj

Policia e Tiranës ka dhënë detaje në lidhje me operacionin e zhvilluar një ditë më parë, ku u zbuluan një seri muncionesh luftarake.

Sipas policisë në rrugën ‘Besim Fagu’, efektivë të komisariatit nr.4, pas informacioneve të marra në rrugë operative se disa persona, për shkak të kontrolleve të shtuara të policisë, kishin çmontuar dhe nxjerrë nga banesat pjesë armësh, kanë kryer kontrolle në zonë.

Pas kontrolleve policia ka gjetur në një ambient të jashtëm në rrugën "5 Maji", pjesë armësh të ndryshme (kallashi, mitralozi të lehtë, mitralozi të rëndë, pushke), municione luftarake dhe pajisje optike ushtarake, të futura në thasë.

Grupi hetimor, nën drejtimin e Prokurorisë pranë Gjykatës së Rrethit Gjyqësor Tiranë, vijon punën për identifikimin e poseduesve të armëve dhe dokumentimin e plotë të këtij rasti.

Lajmi kryesor:

Tiranë/ Municionet luftarake te ‘5maji’, asnjë person i arrestuar! Burime për Report Tv: Dyshohet se armët u çmontuan dhe u fshehën në gropë

M.Q./Shqiptarja.com

TAG:
• arme zjarri
• Tirane
• arsenal armesh
• rruga 5 maji