KURBIN - Një 50-vjeçar nga Laçi ka rënë në prangat e policisë me qëllim ekstradimi në drejtim të Italisë. Kastriot Menga, banues në Laç, Kurbin rezulton i dënuar me 6 vite burg nga drejtësia italiane, ndërsa ishte shpallur në kërkim ndërkombëtar.  

Mbi 50-vjeçarin rëndojnë akuzat për "Pjesëmarrje në organizatë kriminale”, “Grabitje“, “Armëmbajtje pa leje“, “Shfrytëzim prostitucioni “ dhe “Emigracion të paligjshëm". 

Njoftimi i policisë: 

Tiranë

Vijon puna për kapjen e shtetasve të shpallur në kërkim ndërkombëtar. Arrestohet një shtetas me qëllim ekstradimi drejt Italisë, i dënuar me 6 vite burg.

Shërbimet e Policisë të Komisariatit nr. 5, në vijim të punës për kapjen e shtetasve të shpallur në kërkim ndërkombëtar, kanë bërë kapjen dhe arrestimin e përkohshëm me qëllim ekstradimi drejt Italisë, të shtetasit:

• Kastriot Menga, 50 vjeç, banues në Laç, Kurbin.

Gjykata e Trentos Itali, e ka dënuar këtë shtetas me 6 vite burg për veprat penale "Pjesëmarrje në organizatë kriminale”, “Grabitje“, “Armëmbajtje pa leje“, “Shfrytëzim prostitucioni “ dhe “Emigracion të paligjshëm" parashikuar nga nenet 81, 110, 416, 624, 625, 648 si dhe nenet 3 e 4 të Kodit Penal Italian. 

Redaksia Online
l.q/Shqiptarja.com