DURRËS- Alket Hatia, 50 vjeç, i njohur edhe në nofkën “Zoti i Drogës” u arrestua nga policia në një hotel në Durrës, pasi ishte shpallur në kërkim pesë vite më parë me qëllim ekstradimin në Itali.
Policia njoftoi finalizimin e aksionit të koduar “International”, për kapjen e të dënuarit me 20 vjet burgim nga autoritetet gjyqësore italiane, për trafikim të lëndëve narkotike në sasi të mëdha. Burimet e policisë, thanë se Alket Hatia, ishte shpallur në kërkim ndërkombëtar nga Interpol Roma, pasi Gjykata e Apelit në Milano e ka dënuar për “Trafikimi të lëndëve narkotike”.
Sipas policisë, Hatija ka bashkëpunuar me 40 shtetas të tjerë gjatë periudhës 2003-2004, për aktivitetin e shitjes dhe trafikimit të lëndës narkotike heroinë, nga Shqipëria në Itali. Kjo nuk është hera e parë që 50 vjeçari arrestohet në Shqipëri, pasi iu vendosën prangat edhe në vitin 2017, mbi bazën e urdhrit të kërkimit nga autoritet italiane, me qëllim për t’u ekstraduar në Itali.
Në 5 mars të vitit 2018, Gjykata e Durrësit refuzoi kërkesën për ekstradimin e Alket Hastisë, dhe i hoqi masën e sigurisë arrest me burg. Vendimi shkaktoi një precedent që u debatua gjatë dhe u bë shkak për kërkesat për hetimin e gjyqtarëve që dhanë vendimin. Ndërkohë që i akuzuari si bos droge rifitoi lirinë dhe nuk u gjet më nga policia, në gjykatat shqiptare që shpesh kundërshtonin njëra-tjetrën, vijoi betejën për të mos u ekstraduar në Itali.
Sipas autoritete italiane vetëm gjatë viteve 2003-2004, “Zoti i Drogës” ka arritur të trafikojë në Milano 350 kg heroinë e 190 kg kokainë me vlerë rreth 40 milionë euro. Për herë të parë ai u arrestua në vitin 2008 me kërkesë të autoriteteve italiane. Dosja u transferua në Shqipëri ku Gjykata e Krimeve të Rënda, e dënoi Hatinë me 10 vjet e 8 muaj burg në vitin 2010.
Ai rifitoi lirinë në 23 dhjetor 2014. Pasi ka përfunduar vuajtjen e dënimit të dhënë në Shqipëri, për të njëjtin aktivitet kriminal është dënuar nga gjykatat italiane me 20 vjet burgim ku autoritet italiane kërkuan arrestimin në vitin 2017 me qëllim ekstradimi. Më 5 mars 20218 Gjykata e Durrësit, vendosi mospranimin e kërkesës dhe refuzimin e ekstradimit dhe heqjen e masës së sigurimit personal “Arrest me burg”.
Prokuroria bëri ankim dhe Apeli i Durrësit, më 14 qershor 2018, la në fuqi vendimin e Gjykatës Durrës për refuzimin e ekstradimit. Prokuroria bëri rekurs në Gjykatën e Lartë, e cila prishi vendimin e Apelit dhe e ktheu çështjen për rishyqrtim në Apelin e Durrësit me një tjetër trupë gjykuese. Më 20 prill 2021, gjykata vendosi pranimin e kërkesës dhe lejimin e ekstradimit por kësaj radhe Alket Hatia e dërgoi çështjen në gjykatën e lartë. Kjo e fundit më 7 shtator 2021, vendosi mospranimin e rekursit. Zoti i drogës e dërgoi këtë vendim në Kushtetuese ku sërish kërkesa e tij u rrëzua dhe në datën 31 janar 2022, u la në fuqi ekstradimi drejt Italisë.
Alket Hatija
Komente
Lajme të tjera
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Durrës/ U dëmtua nga një makineri gjatë punës, ndërron jetë 50 vjeçari (EMRI)
25 Nëntor, 14:11 -
Durrës/ Lëvizte me kanabis në makinë gati për shitje, në pranga 22 vjeçari
25 Nëntor, 11:34 -
Durrës/ Aksident në hyrje të autostradës, vetura ‘Seat’ del me shpejtësi nga rruga dhe bie në kanalin e ujërave të zeza! Shpëtojnë 3 të rinjtë (VIDEO)
24 Nëntor, 22:29 -
Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura
24 Nëntor, 21:21 -
Itali/ Shiste kokainë dhe hashash afër shkollave të Milanos, arrestohet 20-vjeçari shqiptar! I sekuestrohen drogë dhe euro cash
24 Nëntor, 21:06 -
Durrës/ Plagosje me thikë në lagjen nr.4! Kapen dy vëllezërit, 32 vjeçari dërgohet në spital (EMRAT)
23 Nëntor, 20:19 -
Artisti nga Kosova, Eshref Qahili vjen në Durrës me ekspozitën e veçantë ‘Arti bashkëkohor kosovar në kohën e inteligjencës artificiale’
23 Nëntor, 16:54
-
Moti i keq, rrethi i Krujës pa drita! 6000 banorë mbeten në terr
22 Nëntor, 18:38 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35
Sipas artikullit u denua me 10 vjet burg ne shqiperi ne 2010 dhe doli nga burgu ne 2014, nderkohe qe italia i ka dhene 20 vjet burg. Vetem 4 vite burg ka bere ky deri tani?
Përgjigjushqipot qe kujtojne se mund ti fshihesh te kaluares pafundessisht ......
Përgjigju