I dënuar për vrasje dhe heroinë me 32 vite burg, ekstradohet nga Hollanda 39-vjeçari

I dënuar për vrasje dhe heroinë me 32 vite burg, ekstradohet nga Hollanda 39-vjeçari

Një 39-vjeçar, i cili është dënuar me 23 vite burg për vrasje, 8 vite për trafik të narkotikëve dhe 1 vit për armëmbajtje pa leje, është ekstraduar paraditen e së shtunës nga Hollanda drejt vendit tonë.

Report Tv raporton se bëhet fjalë për Bledar Qemalaj, lindur në Fier. 

 
Bledar Qemalaj

 Prokuroria e Tiranës ka dërguar disa ditë më parë dosjen në shkallën e parë me të pandehur Bledar Qemalajn, i akuzuar për vrasjen e shtetasit Edmond Vruho. Sipas akuzës, viktima Edmond Vruho në vitin 2000 ka vrarë vëllain e të pandehurit në Fier. Bledar Qemalaj kishte kohë që e ndiqte viktimën, për të marrë hak për vrasjen e të vëllait. Ai e vrau atë me armë zjarri më datë 3 maj 2004 në rrugën “Qemal Stafa”, Tiranë. Ndërsa në datën 25-26 gusht 2004, Bledar Qemalaj në bashkëpunim me disa shtetas të tjerë ka arritur që të trafikojë nga Shqipëria drejt Italisë 15 kg heroinë.

Si rezultat i bashkëpunimit të Interpol Tiranës me Interpol The Hage/Hollandë, u bë i mundur arrestimi i tij në Amsterdam, duke u finalizuar me ekstradimin drejt vendit tonë.

Gjykata e Shkallës së Parë për Krimet e Rënda Tiranë e ka dënuar Qemalajn më datë 28 mars 2006 me 23 vjet burg për veprën penale “Vrasje me paramendim”  dhe me datë 20 nëntor 2009 e ka dënuar me 8 vjet burg për veprën penale “Trafikim të lëndëve narkotike”. Kurse Gjykata e Apelit Vlorë me datë 22 tetor 2004 ka lënë në fuqi vendimin penal të marrë më datë 27 maj 2004 të Gjykatës së Rrethit Gjyqësor Fier,e cila e ka dënuar me 1 vit burg për veprën penale “Mbajtja pa leje e municioneve luftarake”.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ambasadori i Rumanisë: Shqipëria punë të mirë për kapitujt e integrimit! Reforma në drejtësi të jetë në ‘shërbim’ të shqiptarëve

Ambasadori i Rumanisë: Shqipëria punë të mirë për kapitujt e integrimit! Reforma në drejtësi të jetë në ‘shërbim’ të shqiptarëve