I dërguari i Gjermanisë për rajonin në Tiranë, takim me ministren Muzhaqi! Manuel Sarrazin

I dërguari i Gjermanisë për rajonin në Tiranë, takim me ministren Muzhaqi! Manuel Sarrazin

Muzhaqi në takimin me Sarrazin

I dërguari special i Gjermanisë për Ballkanin Perëndimor, Manuel Sarrazin ndodhet në Tiranë, teksa ka zhvilluar një takim me ministren e Shtetit për Rininë dhe Fëmijët, Bora Muzhaqi. Ministrja dhe Sarrazin kanë diskutuar rreth bashkëpunimeve të mëtejshme mes dy shteteve në sektorin e rinisë dhe përfshirjen e praktikave më të mira evropiane në vendin tonë, sa i përket mbështetjes së ideve të të rinjve.

“Të rinjtë tanë kanë mundësi të shikojnë përtej të kaluarës së Ballkanit Perëndimor, si dhe të krijojnë së bashku marrëdhënie të shëndosha për një të ardhme pa konflikte, të qëndrueshme dhe më të begatë për gjithë rajonin”, është shprehur Muzhaqi.

 Angazhimi i mëtejshëm i ministres përgjegjëse për Rininë në Zyrën Rajonale për Bashkëpunimin Rinor (RYCO), me qëllim promovimin e shkëmbimeve rinore në programet si “Super-shkollat”, “Route ËB6”, etj., ishte një nga çështjet e rëndësisë primare të diskutuara në takim.

 “Puna e RYCO është shumë e rëndësishme për Ballkanin Perëndimor” u shpreh Sarrazin, ndërsa vlerësoi energjinë dhe përpjekjet që RYCO, si një nga sukseset e Procesit të Berlinit, në bashkëpunim me institucionet shtetërore, ka bërë në krijimin e një rajoni më të mirë për të gjithë qytetarët e tij.

 Po ashtu, iu dha një fokus i veçantë dhe projekteve kulturore për të rinjtë, ku u prezantua në terma të përgjithshme dhe Programi Jashtë Orarit të Mësimit (JOM), i hartuar me qëllim që fëmijët të shpenzojnë kohën e tyre të lirë në mënyrë cilësore, lidhur me fushën e arteve, zejeve, teknologjisë,  etj..

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Policia ndaloi protestën e Berishës në Bulevard, si e vlerësoni vendimin?



×

Lajmi i fundit

BRITANI/ Përdhunoi 3 djemtë e saj, nëna vret fqinjin pedofil, fëmijët: Mami vrau abuzuesin tonë, por kjo nuk ndalon makthet tona

BRITANI/ Përdhunoi 3 djemtë e saj, nëna vret fqinjin pedofil, fëmijët: Mami vrau abuzuesin tonë, por kjo nuk ndalon makthet tona