Një person është vënë në pranga dje pasi me makinën e tij ka tentuar të trafikojë 5 kilogramë mariuanë. Policia Kufitare në Kakavijë gjatë kontrollit automjetit tip Ford me targa AA 207 JT që drejtohej nga Florion Koçi, 26 vjeç, ka gjetur në mbrapakolp disa pako me lëndë narkotike.

Nga kontrolli i imtësishëm i automjetit, në brendësi të mbrapakolpit janë gjetur dhe sekestruar 10 pako, me peshë 500 gramë secila, gjithsej 5 kilogramë mariuanë. Drejtuesi i automjetit është shoqëruar në Policinë e Gjirokastrës për veprime më të specializuara që po kryhen nga uniformat blu.