Teatri Kombëtar i prishur mes polemikash në të gdhirë të së dielës së shkuar, ligjërisht nuk ekzistonte. Nga dokumente të siguruara prej Shqiptarja.com godina e Teatrit Kombëtar e ndërtuar në 1939 nuk është regjistruar asnjëherë në hipotekën kombëtare. Në kartelën e pasurisë së paluajtshme të përdorur nga qeveria për të transferuar në Bashkinë e Tiranës pronësinë e Teatrit, (zona kadastrale 8150, numri i pasurisë 1/241) zbulohet se ka të regjistruar vetëm tokën me sipërfaqe 5522.70 metra katrorë dhe vetëm një ndërtesë prej 1126 metra katrorë. Godina e regjistruar në hipotekë është Teatri Eksperimental siç shihet nga data e regjistrimit 25.05.2004, vit kur nisi ndërtimi i përuruar më pas nga qeveria Berisha me 28 janar 2006.
Asnjë qeveri nga 1939 nuk është shqetësuar për ta regjistruar në hipotekën e Teatrit Kombëtar. Nuk e ka bërë regjimi komunist që ra në 1992, nuk e ka bërë Sali Berisha, as Fatos Nano, as Ilir Meta dhe as Edi Rama. Një fakt që shpjegon më shumë se sa shumë fjalë respektin që politika kishte për këtë godinë edhe në 28 vite demokraci. Teatri fantazmë u prish në bazë të një leje të firmosur nga kryebashkiaku Erjon Velija në të cilën godina tregohet vetëm me të dhënat e gis-kadastrës, që fotografojnë gjendjen reale në terren, por që shpesh nuk përputhet me gjendjen ligjore që del nga planimetritë në hipotekë. Në hartat dixhitale është thjeshtë një drejtkëndësh me një X në qendër, pa asnjë identitet.
Teatri Kombëtar ka qenë konsideruar edhe më keq se një ndërtim abuziv, prania e të cilit gjithësesi shënohet në dosjet e pasurisë së patundshme pse Teatri nuk është inventarizuar ne hipoteka as si ndërtim pa leje. Një fat i shënjuar që nga ndërtimi i tij, kur as italianët qe e projektuan nuk u shqetësuan për t’i dhënë një identitet juridik, si një fëmijë që lind, por prinderit harrojnë ta regjistrojnë në gjendjen civile. Në vitin 1948 me një vendim të Institutit të Shkencave për nxjerrjen e listës së parë të monumenteve që vihen nën mbrojtjen e shtetit, përsëri Teatri harrohet: katër monumentet e vetme që regjimi konsideron të vlefshme në Tiranë ishin Kulla e Sahatit, Xhamija e H. Ethem Beut, Mauzoleu i Kapllan Pashës dhe Ura e Tabakëve. Duhet të presim vitin 2004 që lista të rritet: Instituti i Monumenteve të Kulturës me vendimin 356 i dërgon ministrit të kulturës (socialist) Vasil Tola një listë me 111 monumente të kategorisë së dytë që ndodhen në qendër të kryeqytetit, por mes këtyre, nëntë katalogohen si “ndërtesa pa vlerë”. Një nga nëntë ndërtesat “pa vlerë” është pikërisht Teatri Kombëtar. Në vitin 2007 me urdhër 122, ministri i kulturës Bujar Leskaj (Partia Demokratike) shpall listën zyrtare të monumenteve të kategorisë së dytë në qendrën historike të Tiranës dhe duke rikopjuar pa kundërshtime listën e 2004, fshin nga lista e monumenteve nëntë godinat “pa vlerë”, përfshi Teatrin Kombëtar.
Sot zbulojnë se i gjori Teatër Kombëtar nuk ishte i regjistruar as në hipotekë. Shumë politikanë sot shtiren se po qajnë për të, por në të vërtetë ai Teatër për ta nuk ekzistonte as para prishjes së tij.
Komente
Lajme të tjera
-
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
4 misteret në familjen Berisha pas protestës së 7 tetorit
8 Tetor, 10:52
-
PD me Këlliçin e kanë linçuar Bogdanin si dikur Berisha ka bërë me Sokol Olldashin ose Azem Hajdarin. Dhe tani e qajnë njësoj!
21 Shtator, 15:49
-
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
SHËNIM / Familja Berisha po habitet, janë kaq të pasur sa flasin për miliona euro sikur ishin lekë të vjetra
14 Shtator, 17:10 -
Metamorfoza e frikshme e Gazment Bardhit, edhe ai i klonuar me shpejtësi nga Sali Berisha
11 Shtator, 12:55
-
Morali fake i gazetarëve inkuizitorë që janë opozitarë në Tiranë dhe qeveritarë në Prishtinë
19 Gusht, 18:03
-
Protestat në Thumanë-Kashar, përse Berisha nuk ia përmend fare emrin ndërtuesit, përfituesit dhe botuesit Bashkim Ulaj?
14 Gusht, 15:53
-
Si lindën mediat skuthe në Shqipëri: Furçe opozitës, por edhe ndonjë ministri apo zv/kryeministri!
3 Gusht, 18:30
-
Veliaj inspekton punimet te Teatri i Ri: Në 30 muaj po bëjmë atë që humbëm në 30 vjet
3 Gusht, 12:55 -
Çim Peka i dhuron disa qime më shumë Belos me reklamë klering te Syri?
2 Gusht, 16:33
-
Cili Bardh gënjen? Ai që akuzon Nokën si të lidhur me një trafikant droge, apo ai që akuzon sot prokurorët e SPAK?
2 Gusht, 13:09
Po mire, nese nuk paska figuruar ne kadaster, cfare i ka kaluar Qeveria Bashkise? Nese nuk ishte regjistruar dmth ishte pa leje. Pra ilegal. Dhe vendimmarrja per prishjen i rezervohet nje regjimi tjeter juridik. Bravo porrali me kete news. I hyn ne pune SPAK.
PërgjigjuKjo godine tallashi eshte e turpshme me nje arkiteture ordinere prej tallashi ashtu si ata ordinere qe i japin vlera por ate nivel kane.
PërgjigjuPerralla, ka qene detyre e bashkise Tirane te hartonte listen e objekteve prone shteterore ne vitin 2001.
PërgjigjuPD dhe LSI nuk Wahl për Teater jo, por qajn që iu iku nga dora shumë tokë për rindertime aty...!!!
PërgjigjuPd dhe Lsi janë në opozitë. E dinë mirë shqiptarët e ndershëm kush gllaberon hapësirat publike dhe i shndërron në kulla.