FIER- Mes dhimbjes, 20-vjeçari Grei Bihuci u përcoll sot (12 mars 2024) në banesën e fundit nga familjarët dhe miqtë.
Të trishtuar dhe me lot në sy kujtuan shokun e tyre dhe shprehën konsideratat më të mira duke thënë se ndihen tepër të pikëlluar për humbjen e jetës. U ndodh në vendin e gabuar, tha menaxheri i lokalit, ku i riu punonte pas shkollës.
“Ka qenë në momentin e gabuar. Personin tjetër nuk e njihja. Grei ka qenë thjesht në vendin e gabuar”.- u shpreh një koleg.
“Djalë i dashur me të gjithë ne. Nuk ishte vetëm shok dhe koleg, por ishte vëllai ynë.’- tha një koleg.
‘Më vjen shumë keq për nënë dhe motrat e tij. Grei ke për të mbetur gjithmonë në zemrat tona”, është shprehur një prej kolegeve të tij.
Grei Bihuci, nxënës i informatikës në shkollën “Petro Sota” u godit me thikë paraditen e së hënës, (11 mars) në qendër të qytetit të Fierit nga 18-vjeçari Florjan Muka. Ai kishte ndërhyrë për të shuar konfliktin e shokut të tij, Olsi Serjani me dy kushërinjtë Muka nga fshati Kallm. 18-vjeçari Florjan Muka i cili kreu vrasjen bashkë me djalin e xhaxhait të tij, Klajdi Muka janë prangosur nga policia. Ndërsa 20-vjecari Serjani që mbeti i plagosur ndodhet në spital jashtë rrezikut për jetën.
Burime të Report Tv pranë grupit hetimor thanë se zanafilla e konfliktit është një foto në rrjetin social “Snapchat”. Debatin e kanë nisur kushërinjtë Muka me Olsi Serjanin dhe një tjetër të mitur, emri i të cilit nuk bëhet i ditur. Prej disa ditësh ata shaheshin në rrjetet sociale dhe u dërgonin foto me thika njëri-tjetrit, duke demonstruar forcën.
Ditën e hënë (11 mars), kushërinjte Muka e kishin lënë për tu sqaruar ballë për ballë me Olsi Serjanin. Ky i fundit ka thirrur në ndihmë mikun e tij, Grei Bihuci. Sqarimi nuk ka shkuar ashtu siç duhet pasi të rinjtë janë përleshur fizikisht pranë urës së Gjanicës në Bulevardin Jakov Xoxa. 18-vjecari ka nxjerr thikën dhe i ka qëlluar të dy, duke lënë të vdekur Grei Bihucin dhe të plagosur Olsi Serjanin.
18-vjeçari Florjan Muka dhe djali i xhaxhait të tij, Klajdi Muka 17-vjec janë pas hekurave me dy akuza “Vrasje në rrethana cilësuese, kryer në bashkëpunim”, dhe “Prodhimi, mbajtja, blerja apo shitja pa leje e armëve të ftohta”. Në cilësinë e provës materiale janë sekuestruar thika dhe një përforcues grushti, të cilat janë gjetur në vendin e ngjarjes.
Foto: Vendi ku u vra Grei Bihuçi
Zbulohen detaje të reja lidhur me vrasjen e ndodhur dje në Fier ku humbi jetën Grei Bihuçi.
Konflikti ka nisur disa ditë më parë mes dy kushërinjëve Florjan dhe Klajdi Muka, të cilët sherrin e kanë pasur me Olsi Serjanin dhe një tjetër djali të mitur.
Debatet kanë nisur në rrjetet sociale, fillimisht në rrjetin Snapchat për like, më pas në llagari të tjera të tyre.
Kushërinjtë Muka, Serjani dhe shoku i tij i mitur (Nebi) e kanë lënë dje të takohen për t"u sqaruar.
Me Olsin ka qenë edhe Grei Bihuci, i cili nuk ka pasur asnjë lidhje me konfliktin. Sa janë takuar, biseda është agravuar në debat deri në përdorim thikash. Bihuci ka tentuar të ndalë sherrin, por mbeti vetë viktimë, pa asnjë lidhje me konfliktin, informon gazetari Sokol Dema.
Shokë dhe kolegë të 20-vjeçarit Grei Bihuci, që u vra me thikë në qendër të Fierit kanë kryer homazhe në vendin ku i riu mbeti i vrarë i riu. Të afërmit kanë ndezur qirinj dhe kanë vendosur lule në vendin ku humbi jetën i riu. Teksa kryen homazhe, ata thanë se ai ishte një djalë që nuk sillte probleme.
‘Grei ishte vëllai jonë, një nga djemtë më të mirë në stafin tonë . Na vjen keq që u ndodh në vendin e gabuar dhe në momentin e gabuar. Nuk ishte djalë që sillte probleme, si në punë ku ne e kishim dhe në familje nuk kemi dëgjuar të kishte ndonjë sjellje të keqe.’- shprehet menaxheri i pastiçerie ku punonte Grei.
Njëri nga pjesëtarët e stafit, gjeti rastin tu bëj thirrje të rinjve që të qëndrojnë me këmbë në tokë.
‘Si pjesë e stafit ishte një djalë i përkushtuar i dashur. Thirrja që duhet të bëjë është që të mundohet rinia e sotme të qëndrojë sa më shumë me këmbë në tokë që mos të përfundoi si Grei. Shprehim ngushëllime familjes jemi shumë të shokuar nga kjo.’- tha një tjetër kolegë.
‘Shoku jonë, kolegu jonë. Ishte vëllai jonë. Dinte vetëm të thërriste motër! Ka mbajtur fëmijët e mi në krah! (qan) Më vjen shumë keq për nënë e tij për motrat e tij. Nuk ishte vetëm një djalë ishe gjithçka. Grei do mbetesh gjithmonë në zemrat tona.’- u shpreh një nga koleget me lot në sy.
Një 17-vjeçar është arrestuar nga policia në Fier për vrasjen e Grei Bihucit, një ditë më parë në qendër të Fierit.
Pas arrestimit të Florjan Mukës, sot u vu në pranga edhe 17-vjeçari K.M, banues në fshatin Kallm i Madh në Fier.
Sipas hetimeve, dyshohet se dy adoleshentët, në bashkëpunim me njëri-tjetrin, pas një konflikti për motive të dobëta, kanë vrarë me mjet prerës (thikë), Grei Bihucin 20-vjeç dhe plagosur O. S., 20 vjeç, i cili është në spital, jashtë rrezikut për jetën.
Në cilësinë e provës materiale janë sekuestruar një mjet prerës (thikë) dhe një përforcues grushti, të cilat janë gjetur në vendin e ngjarjes.
Lajme të tjera
-
Fier, shpëtoi fqinjët e moshuar nga zjarri, arrestohet për dhunë në familje 29-vjeçari
2 Nëntor, 14:09 -
Prokuroria e Fierit çon në gjyq Altin Lamçen për vrasje me dashje e mbetur në tentativë
1 Nëntor, 14:04 -
SPAK heton deputetin e PD-së Luan Baçi për fshehje pasurie! Shqiptarja.com zbulon detajet: Kur ishte drejtor i DRSHTRR Fier u hetua për korrupsion me patentat
1 Nëntor, 13:04 -
Luan Baçi në SPAK, akuzohet nga ish-ortaku se pastroi e fshehu 1.5 mln euro! Deputeti i PD-së i Fierit: Jam i qetë, më kallëzoi një patronazhist (VIDEO)
1 Nëntor, 11:13 -
Përmbytjet në Vlorë, nis aksioni i pastrimit dhe larjes së rrugëve, Dredha: Në të gjitha segmentet dhe lagjet! Mbështetje edhe nga bashkitë e tjera (VIDEO)
1 Nëntor, 08:28
-
'Bankers' mbështet Roskovecin në projekte kyçe infrastrukturore! Pastrohen kanalet kulluese, zgjerohen rrugët e Marinzës
31 Tetor, 15:58 -
Flakadanët në fushë dhe Mala në spitalin e Lushnjës, policia procedon dy tifozët e 'Tirona Fanatics'
31 Tetor, 12:18 -
'Pacienti i doktor Frojdit' premierë në Fier! Bisha: Mesazhi i dramës për 'hitlerët' e ditëve të sotme
31 Tetor, 09:35
-
Qeveria miraton ndërtimin e dy centraleve fotovoltaike në Fier e në Vaun e Dejës
30 Tetor, 17:46
-
VIDEO/ Flamuri kuqezi, prej 800 metra katrorë po punohet në Fier për festën e Pavarësisë! Më i madhi që keni parë ndonjëherë
30 Tetor, 15:24
-
Bllokuan rrethin e Levanit, 15 protestues në hetim, mes tyre Luan Baçi! Deputeti: Mos na provokoni, protesta ishte e ligjshme
30 Tetor, 10:36 -
Mjegulla ‘pushton’ Fierin, krijohet vështirësi në qarkullimin e mjeteve
30 Tetor, 08:47
