Këngëtari i njohur Stefi Prifti pritet që këto ditë të martojë vajzën e tij, Marian. Ceremonia e dasmës do të zhvillohet ditën e sotme dhe sigurisht për babain emocionet kanë nisur.
Nëpërmjet një postimi në “Facebook” këngëtari ka bërë një shkrim të gjatë dhe të detajuar dhe fjalët e tij vetëm një baba mund t’i kuptojë.
“Dhe vjen kjo ditë…! Për mua dhe familjen tonë, data 9 shtator është një ditë e shënuar dhe shumë emocionale. Vajza ime, Maria Prifti, dhe dhëndri ynë, Gëzim Meta, kanë vendosur të celebrohen dhe të martohen. Nuk ka gjë më të bukur për mua si baba. Për të qenë i sinqertë me veten, më duhet të them se nuk është aq e lehtë…
Por, jeta kështu është.. Babai dhe nëna të lindin dhe të rritin, shpesh me sakrifica dhe mundime, ndonjëherë me pekuli dhe mundime. Por vjen princi i kaltër dhe të thotë: Tani vajzën e dua unë! Eh, kjo është jeta! Këtu është bukuria dhe trashëgimnia. Të më trashëgohesh çupa e babit! Jetë të lumtur të uron babi! Sa i përket ftesës për shokë e miq, që duan të më urojnë, sot është lajmërimi i parë që unë po bëj, edhe pse shumë gazeta e portale kanë shkruar paraprakisht.
I falënderoj të gjithë njerëzit për urimet! Falënderoj edhe të gjithë miqtë dhe kompanitë e biznesit të dasmave për dhuratat dhe vlerësimin që më kanë bërë. Vetëm falë tyre, unë dhe familjet tona do të kemi mundësinë të realizojmë një dasmë dinjitoze. Zoti para!” shkruan Stefi i emocionuar.
Maria nuk është një emër i padëgjuar për publikun shqiptar, pasi ajo është bërë e njohur si soprano dhe deri më tani ka arritur disa suksese në atë fushë.
Lajme të tjera
-
Stefi Prifti bëhet me nip për herë të parë: Ndjesia e të qenit gjysh, një mrekulli
16 Shtator 2023, 09:23 -
Rigjeti dashurinë 7 vjet pas humbjes së bashkëshortes, Stefi Prifti rrëfen si u njohën dhe si e pritën vajzat
6 Shtator 2023, 16:07 -
VIDEO/ U ‘zhduk’ papritur nga skena! Ç’ndodhi me Endri Priftin, teksa performonte në Dhërmi
15 Gusht 2023, 11:48 -
'Pak muzikë në kushte shtëpie', Stefi Prifti këndon së bashku me vajzat
28 Mars 2020, 17:03
