Mashtronin qytetarët duke i premtuar vizë pune në Britani, arrestohet 39-vjeçarja! Shpallen në kërkim 2 bashkëpunëtorët e saj

Foto ilustruese

Një 39-vjeçare ka rënë në prangat e policisë ditën e sotme në Tiranë dhe janë shpallur në kërkim dy persona të tjerë, pasi akuzohen për mashtrim.

Me një njoftim për mediat, Policia bën me dije se 39-vjeçarja me inicialet E. T., banuese në Fier, në bashkëpunim me dy personat e shpallur në kërkim, mashtronin shtetas të ndryshëm duke i marrë shuma të konsiderueshme parash, me premtimin për pajisjen me vizë pune për në Mbretërinë e Bashkuar.

Po ashtu ata premtonin edhe pajisjen me certifikatë të falsifikuar të gjuhës angleze.

Në cilësinë e provës materiale policia sekuestroi shuma të konsiderueshme parash në euro dhe në lekë, si dhe 2 aparate celular.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprat penale “Mashtrimi”, “Falsifikimi i dokumenteve” dhe “Ushtrim pa licencë i veprimtarisë financiare”.

J.SH./Shqiptarja.com
  • Sondazhi i ditës:

    7 dite para zgjedhjeve, a ju janë ofruar para ose favore në këmbim të votës?

Komento


×

Lajmi i fundit

John

Në inagurim ishte dhe Muhammed El Alabbar që do ndërtojë Portin e Durrësit, Rama tregon përse aeroporti i Kukësit quhet 'Zayed'