I përfshirë në organizatë kriminale në Itali, kapet tregtari që u dënua me 13 vite burgim

Një tregtar nga Puka është arrestuar nga policia e Tiranës, pasi rezulton si person në kërkim nga drejtësia italiane. Ai ezulton i dënuar nga gjykata e Apelit në Milano me 13 vite burgim për akuzën e “Trafikut të drogës” dhe pjesëmarrje në “Organizatë kriminale”. Dënimi  është bërë në mungesë pasi shqiptari ka mundur ti shpëtojë arrestimit të policisë italiane, duke u fshehur në Shqipëri, vend në të cilin ka hapur dhe biznes, një Bar-Kafe.

Sipas dosjes italiane, tregtari  ka qenë pjesë e një organizate kriminale, ku ishin të përfshirë Shqiptarë,Italianë dhe Turq, të cilët bënin trafikimin dhe shpërndarjen të kokainës dhe heroinës në zonat e Milanos. Aktiviteti kriminal është dokumentuar nga prokuroria dhe policia italiane në vitin 2006. Ndërsa vendimi i formës së prerë për dënimin e tij me 13 vite burg ka hyrë në fuqi në vitin 2012.
 Ai ka rezulton në sistemin e kërkimit me pullë “të kuqe”, dhe për pasojë policia e Tiranës ka bërë arrestimin e tij. Ai ka dalë para gjykatës së Tiranës ku është njohur me masën e sigurisë “arrest në burg” 40 ditor, afat ky që shërben si periudhë për mbërritjen nga autoritet italiane të kërkesës për ekstradim në Itali.

/K.T./Shqiptarja.com

TAG:
• trafik droge
• milano
• martin prendi