I riu u përplas për vdekje dhe u mor zvarrë, mesazhi prekës i kushërirës: Kam ngrirë! O Zot ç'bëre kështu...

DURRES-Report Tv mëson se 25-vjeçari Ramazan Bata që humbi jetën mbrëmjen e djeshme, pasi u përplas për vdekje nga një autobus, ndërsa më pas u mor zvarrë për rreth 50 metra nga një furgon, kishte pak kohë që kishte filluar punën si shpërndarës picash me motor. Familja hapi dyert e mortit, ndërsa kushërira e tij, vajza e xhaxhit ka postuar një mesazh prekës në rrjetet sociale.

"O zot ca dhimbje na jep keshtu djali 25 vjec i shkon tokes??djali i xhaxhit eshte vella po c'bere keshtu mor zot qe kemi koh pa i par njerzit e duhet vec te qajme.qofsh i xhenetit kusho na vure te zezen ne zemer skam fjale kam ngrire" shkruan kushërira e tij.

Policia ka vënë në pranga drejtuesin e furgonit P. T., 49 vjeç, banues në Krujë dhe drejtuesin e furgonit F. T., 54 vjeç, banues në Tiranë. Burime për Report Tv bëjnë me dije se drejtuesi i autobusit ka rrëfyer se nuk e ka parë viktimën, por ka dëgjuar vetëm zhurmë në momentin e përplasjes.

Edhe drejtuesi i furgonit është marrë në pyetje lidhur me këtë ngjarje, ku ka deklaruar se nuk e ka kuptuar kur mjeti që drejtohej prej tij ka tërhequr zvarrë një person dhe për këtë arsye është larguar edhe nga vendi i ngjarjes.

Mesazhi i kushërirës dhe fotoja e viktimës

TAG:
• Durres
• aksident
• Ramazan Bata