Në kërkim ndërkombëtar për trafik droge, arrestohet kosovari në doganën e Morinës! I dënuar me 17 vite burg në Bullgari

I dënuar me 17 vite e 6 muaj burg në Bullgari për trafikim lëndësh narkotike, Policia ka bërë të mundur ditën e sotme arrestimin e shtatasit kosovar, Irmush Janusin. Pas verifikemve të kryera nga grupi hetimor rezultoi që 41-vjeçari ishte i shpallur në kërkim ndërkombëtar. 

Policia njofton se Irmush Janusi do të ekstradohet në shtetin e Bullgarisë.

Njoftimi i policisë:

Morinë – Kukës

Vihet në pranga, me qëllim ekstradimi drejt Bullgarisë, një shtetas i shpallur në kërkim ndërkombëtar për veprën penale “Trafikimi i narkotikëve”.

Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:

Imrush Junuzi, 41 vjeç, banues në Gjilan, Kosovë.

Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar, pasi Gjykata e Kiystendil Bullgari e ka dënuar me 17 vite e 6 muaj burg, për veprën penale “Trafikimi i narkotikëve”, parashikuar nga legjislacioni penal i Bullgarisë.

Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin në shtetin e Bullgarisë, mbështetur në “Konventën Evropiane të Ekstradimit” të vitit 1957.

SI.E./Shqiptarja.com

TAG:
• Kukes
• ekstradim
• morine
• Bullgaria
• Trafik narkotikësh