I tha se ka marrë 220 mijë euro nga Rama, Alibeaj i përgjigjet Berishës: S’jam me parime si Xeni për tu paguar me gjithçka

Enkelejd Alibeaj i është përgjigjur Sali Berishës, pasi ky i fundit tha se Edi Rama i ka dhënë shpërblim 220 mijë euro. Alibeaj thotë se ai nuk është me parime si Xeni (djali i Berishës) që paguhet për gjithçka.

‘Pasi u bojkotua masivisht nga demokratët dhe shqiptarët, Sali Berisha vazhdon të hedhë llum dhe baltë si e vetmja mënyrë për t’i mbijetuar katastrofës së vet elektorale. I përjashtuari i madh nga politika, me 103 mijë vota demokratësh kundër tij e me 200 mijë të tjerë që e refuzuan dëshmoi qartë kush i ka shërbyer kujt!

LEXO EDHE:
Sali Berisha thyen sërish masën e arrestit shtëpiak, pret në banesë ish-kryeministrin turk, Ahmet Davutoglu

Edi Ramës i duhet Sali Berisha dhe soji e sorollopi i tij i korruptuar për të justifikuar korrupsionin ku është zhytur ai dhe qeveria e tij. Unë nuk kam qenë kurrë e nuk jam me parimin e Xenit, për tu paguar për gjithçka.  Sali, dorëheqja ime është akt që shkon për të mirën e demokratëve, largimi yt është çlirim dhe frymarrje për ta.’- shkruan Alibeaj.

Lajmi kryesor:

Dorëheqja e kreut të PD, Berisha: Ka marrë shpërblim 220 mijë euro nga Rama! I përgjigjet Alibeaj: Nuk jam si Xeni që paguhet për gjithçka

M.Q./Shqiptarja.com

TAG:
• Dorehiqet Enkelejd Alibeaj
• PD
• zgjedhjet vendore 2023
• enkelejd alibeaj
• sali berisha