POP 5

Lajmet më të lexuara të 5 minutave të fundit

Kronikë

Ibrahimi: Për draftin anti-korrupsion
plan veprimi për çdo institucion

Në Ditën Ndërkombëtare të luftës kundër korrupsionit, në emisionin "Tête à tête në A1 Report përballë gazetarit Ervin Kukeli ka qenë i ftuar konstitucionalisti Gent Ibrahimi, një nga hartuesit e draftit të strategjisë kombëtare kundër korrupsionit 2014-2017.
TIRANË - Në Ditën Ndërkombëtare të luftës kundër korrupsionit, në emisionin "Tête à tête në A1 Report përballë gazetarit Ervin Kukeli ka qenë i ftuar Gent Ibrahimi, një nga hartuesit e draftit të parë të strategjisë kombëtare kundër korrupsionit 2014-2017, strategji kjo që pritet të jetë gati në prill të vitit 2014.

Kukeli: Çfarë risish do të sillte ky draft dhe a do ta ulte korrupsionin?
 
Ibrahimi: "Do kemi një strategji të re të luftës kundër korrupsionit, që do pasohet nga një plan veprimi i detajuar për të gjitha institucionet e shtetit. Është shumë e shëndetshme psikologjikisht, që kur i futesh një pune të shpresosh se do ketë produkt. Të bësh një punë me intelekt, që ka shans të ketë sukses. Jam ekspert i jashtëm, i kontraktuar nga OSBE për të ndihmuar qeverinë. Kam gjetur atmosferë shumë bashkëpunuese nga stafi i ministrit Çuçi. Është një strategji e ngjashme me qeverinë Berisha, me strategjinë e vitit 2006, por rezultati është se Shqipëria në 2013 është një ndër vendet më të korruptuar të botës. Ka edhe ulje të çështjeve penale ndaj korrupsionit. Strategjia dhe plani s’pati efekt. Këtë e thotë perceptimi i publikut, dikush mund ta kundërshtojë. Perceptimi i publikut është pothuajse gjithçka. Mosbesimi i publikut te institucionet lë institucionet pa punë, s’ka kallëzime, s’ka çështje. Pikënisja është e keqe për sa i përket nivelit të korrupsionit. Strategjia e kaluar dhe plani i veprimit i kaluar pavarësisht të metave, janë funksionale, që po të ishin mbështetur nga vullneti politik do kishin çuar në rezultate të tjera. Tani ai plan mbaroi për shkak të kohës. Qeveria e re merr hapin e kohës. Ku ndryshon strategjia e re nga e shkuara? Është bërë përpjekje për të reflektuar mbi gjithe mangësitë e të parës".  

“Transparenca është antidot kundër korrupsionit, dhe kjo është kryefjala e strategjisë së re. Parashikohen masa të reja, për rritjen e transparencës dhe vijimin e luftës ndaj korrupsionit. Veprat që janë objekt i korrupsionit, padyshim që do jenë pjesë e kësaj strategjie. Padyshim që do të duhet të ketë më shumë hetime, dhe çështje që shkojnë në gjyq. Dhe së treti do të duhet të ketë më shumë dënime, e dënime më të ashpra.

Shifrat për 2012 ekzistojnë, ndërsa për 2013 nuk i kemi dëgjuar akoma. Pritet të ketë më shumë kallëzime dhe shumëllojshmëri kallëzimesh”, tha Gent Ibrahimi.

Redaksia Online
(mag/e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aktivitetet kulturore/ ‘Roza dhe Fati’, legjenda e Rozafës perla e folklorit në Teatrin e Kukullave! Rikthehet shfaqja ‘Turjela’

Aktivitetet kulturore/ ‘Roza dhe Fati’, legjenda e Rozafës perla e folklorit në Teatrin e Kukullave! Rikthehet shfaqja ‘Turjela’

11 Janar, 11:41 nga Blerina Goce