Me 3 golat e realizuar në stadiumin "Renzo Barbera", sulmuesi suedez ngjitet në kuotën e 18 rrjetave në kampionat, gjatë 20 ndeshjeve të luajtura, po aq sa sulmuesi i Udineses, Di Natale. Kjo është "tripleta" e parë me kuqezinjtë pasi deri më tani kishte firmosur vetëm "dopieta", 4 të tilla.
Zlatan Ibrahimovic kishte realizuar tripletën e parë në Itali në 7 prill 2005, dhe asokohe ai mbante fanelën bardhezi, ndërsa ndeshja ishte Juventus-Lecce 5-2. Përvec golave, ajo që impresionon në rastin e sulmuesit është aftësia për të tërhequr skuadrën, madje dhe të ndihmojë në mbrojtje.