Britania e Madhe mund të përdorë opsionin për identifikimin me fytyrë për personat që shikojnë pornografi në internet. Jo për të ndëshkuar të rriturit që e përdorin atë në përgjithësi, por të miturit britanikë që nuk lejohen të hyjnë në një përmbajtje të tillë, të paktën derisa të mbushin 18 vjeç. Por si bëhet? Deri më tani, “kontrollet prindërore” nuk kanë rezultuar efektive në çdo situatë dhe as “vetëcertifikimet” online nga përdoruesit.
Për këtë, autoriteti i telekomunikacionit i qeverisë britanike, Ofcom, nuk e ka përjashtuar identifikimin me fytyrë përmes kamerës së përparme të celularit apo kompjuterit. Qëllimi përfundimtar: të sigurohet që gjithnjë e më pak të mitur të kenë akses në përmbajtje pornografike në internet . Ndër masat që po shqyrtohen janë kontrollet e detyrueshme të kartave të identitetit, kontrollet në kartat e kreditit dhe krijimi i "portofoleve të identitetit dixhital". Megjithatë, po shqyrtohet edhe identifikimi me fytyrë, për të kuptuar nëse tiparet e fytyrës së një personi janë ato të një fëmije apo të një të rrituri.
Natyrisht, propozimi ka gjeneruar kritika në Mbretërinë e Bashkuar. Le të jemi të qartë: këto janë vetëm rekomandime, të paktën për momentin, dhe qeveria e Rishi Sunak nuk ka paraqitur (ende) një ligj në këtë drejtim. Në çdo rast, nëse një autoritet institucional si Ofcom e thotë këtë, propozimi zbatohet si i tillë.
Sipas studimeve të ndryshme kombëtare, mosha mesatare e një të mituri britanik që akseson përmbajtje pornografike nëpër faqet në rrjet është 13 vjeç. Shumë e ulët për autoritetet. Sipas kompanisë IT Yoti, identifikimi i fytyrës në rrethana të ngjashme është i mundur dhe i sigurt, "sepse të dhënat fshihen sapo të bëhet e qartë se personi që përdor pornografi nuk është i mitur", thanë përfaqësuesit e saj për BBC.
Po në lidhje me të gjithë përdoruesit e tjerë të pornografisë në internet? A mund të jenë vërtet kaq të sigurt që të mos lënë gjurmë në internet dhe në serverët e qeverisë, në emër të privatësisë?
Faqet si Pornhub e konsiderojnë iniciativën kundërproduktive: “Kjo rrezikon t'i drejtojë përdoruesit drejt sajteve të paligjshme, me edhe më pak kontroll. Dhe kapja e të dhënave personale si njohja e fytyrës mund të rrezikojë sigurinë e përgjithshme.”
Protesta të ashpra ka pasur edhe nga shoqatat kryesore për privatësinë e qytetarëve: “Pasojat katastrofike”. Në çdo rast, ekzekutivi britanik i Rishi Sunak ka siguruar publikimin e udhëzimeve të reja në fillim të vitit 2024.
Sipas Ofcom, 14 nga 67 milionë britanikë ndjekin rregullisht përmbajtje pornografike. Dhe një njohje e drejtpërdrejtë e fytyrës, për autoritetin qeveritar, do të ishte metoda më e mirë për të identifikuar nëse ka një të mitur në anën tjetër të ekranit të një filmi porno. Pornhub mbetet, edhe sot e kësaj dite, faqja e 14-të më e shikuar online në botë.
Lajme të tjera
-
Një vit pas arrestimit, lirohet nga qelia mjeku Dervish Hasi! Bie akuza e trafikut të të miturve, dërgohet për gjykim për pornografi
28 Nëntor, 16:27
-
Drejtori i Burgjeve takohet me ambasadorin e Mbretërisë së Bashkuar: Seanca gjyqësore me video-konferenca, synojnë modernizimin e sistemit
21 Nëntor, 15:09 -
Tiranë, ndalohet 16 vjeçari, akuzohet se shpërndau në rrjete sociale foto e video porno të një të mitureje
16 Nëntor, 08:51 -
Eurojust godet rrjetin global të vjedhjes së të dhënave! Pre skemës miliona persona
29 Tetor, 15:47 -
Mbretëria e Bashkuar nis testimin e vaksinës së parë kundër kancerit të lëkurës
26 Prill, 08:39 -
'The Sun': Gangsterët shqiptarë në Angli përdorin nënat shtatzënë për të siguruar lejë qëndrimi
2 Prill, 11:23 -
Daily Mail: Shqiptari që përdhunoi nxënësen dhe gënjeu se është kosovar për të fituar azil, nuk e humbet shtetësinë britanike
2 Prill, 09:47 -
Shqiptari i dënuar për grabitje fiton gjyqin në Britaninë e Madhe! Fiton nënshtetësinë, edhe pse gënjeu për kombësinë e të kaluarën kriminale
9 Mars, 08:17 -
Po trajtohet për kancerin, Mbreti Charles shihet teksa buzëqesh me Kancelarin e Thesarit
5 Mars, 14:33 -
Çfarë është ‘Operacioni’ Ura e Menait? Të gjitha ‘planet’ në rast se vdes mbreti Charles
27 Shkurt, 13:39 -
Angli/ Ulen numri i emigrantëve të paligjshëm që kalojnë me varka drejt ‘tokës së ëndrrave’
21 Dhjetor 2023, 08:11 -
VIDEO/ Pasagjerët braktisin të tmerruar avionin pasi 38-vjeçari hap derën e emergjencës
28 Nëntor 2023, 19:35
