POP 5

Lajmet më të lexuara të 5 minutave të fundit

Politikë

Idrizi: E çmojmë propozimin e
Edi Ramës për çështjen çame

«Ne vlerësojmë se ky propozim që vjen nga PS-ja, zhbllokon impasin që ishte krijuar brenda komisionit të jashtëm në procesin e miratimit të Rezolutës së çështjes çame nga parlamenti shqiptar", deklaroi sot kryetari i PDIU-së, Shpëtim Idrizi.
Idrizi: E çmojmë propozimin e <br />Edi Ramës për çështjen çame
TIRANË - « Ne përshëndesim hapjen e liderit të opozitës ndaj çështjes çame dhe konfirmimin se PS nuk e ka përfshirë në programin e saj këtë çështje thjesht për ta lënë në letër, - ka deklaruar sot kryetari i PDIU-së, Shpëtim Idrizi, pak orë pasi për çështjen çame u shpreh kryetari i PS-së, Edi Rama. - Ne vlerësojmë se ky propozim që vjen nga Partia Socialiste, zhbllokon impasin që ishte krijuar brenda komisionit të jashtëm në procesin e miratimit të Rezolutës së çështjes çame nga parlamenti shqiptar dhe vëmë në dukje tre momente që shkojnë në të njëjtën gjatësi vale me projektin tonë », - tha ai.

"Në projektin tonë ne kërkojmë heqjen e Ligjit të Luftës dhe nxjerrim në pah dhe faktin e provuar botërisht se kombi shqiptar dhe ai grek e kanë luftuar fashizmin siç është vërtetuar nga konferencat ndërkombëtare të pasluftës dhe se popullsia çame në mënyrë të natyrshme ka qenë pjesë e luftës anti-fashiste", - theksoi Idrizi.

"Së dyti, ne pajtohemi me faktin që çështja çame është një çështje e pazgjidhur politike që duhet adresuar diplomatikisht në frymën dhe me instrumentat e sipërpërmendur.

Së treti, çmojmë përfshirjen e detyrimit që Qeveria të raportojë çdo gjashtë muaj në parlament për adresimin diplomatik të kësaj çështjeje.

Përfitoj nga rasti i kësaj deklarate për shtyp, për të theksuar që Partia Drejtësi Integrim dhe Unitet është një parti që mbështet një patriotizëm modern e pragmatist, që di t’i japë përgjigje nevojave të sotshme dhe sfidave të së ardhmes dhe që nuk ka asnjë lidhje me qëndrimet dhe retorikat folklorike dhe anakronike ksenofobe dhe ultra-nacionaliste që më shumë ngjajnë me traditën shoviniste të vendeve fqinje sesa me të kaluarën e lavdishme dhe dinjitoze të rilindasve tanë.

Në kushtet e këtij zhvillimi të ri ne i bëjmë thirrje të gjitha partive, mazhorancës dhe opozitës, që të angazhohen që nesër për konsultime të hapura dhe konstruktive në mbledhjen e Komisionit të Jashtëm të Kuvendit që do të merrnin në konsideratë qëndrimet e partive të ndryshme dhe do të nxirrnin një tekst më të integruar e konsensual i votueshem per te gjithe parlamentin Shqiptar.

PDIU gjithashtu bashkohet me thirrjen e shoqatës patriotike «Çamëria» për të organizuar para parlamentit shqiptar në ditët e ardhshme një protestë masive kundër zvarritjes së pajustifikueshme të miratimit të rezolutës për çështjen çame »,- përfundoi Idrizi.

Redaksia online
(ar.sh/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Skënder Minxhozi: SKAPI u bë SPAK!

Skënder Minxhozi: SKAPI u bë SPAK!

27 Nëntor, 11:35 nga Skënder Minxhozi