Igli Tare feston ditëlindjen, Rama: Dua të shoh te Juve, por kam frikë se do ikësh te Milani

Igli Tare feston ditëlindjen, Rama: Dua të shoh te Juve, por kam frikë se do ikësh te Milani

Igli Tare sot feston ditëlindjen e 47-të. Kryeministri Edi Rama përmes një postimi në Facebook i ka bërë një urim special ish-lojtarit të ekipit kombëtar të futbollit, sot drejtor sportiv i Lacios në kampionatin italian të futbollit. Në mesazhin e urimit, Edi Rama si tifoz bardhezi, shpreh edhe një dëshirë, që një ditë Taren ta shkojë në krye të Juventusit.

"EDHE100! IGLI TARE është padyshim shqiptari më i suksesshëm në skenën e futbollit europian. Më kujtohet shumë vite më parë silueta e tij, kur ne të Dinamos dilnim për vrap në ish-fushën e Aviacionit, ku bashkë me të vëllain Auronin, dy kalamajtë kolosë e "kokëlakër", i nështroheshin stërvitjeve të pamëshirshme të të atit, mjeshtrit të sportit e dikur kolosit kampion të hedhjes së diskut, Isa Tare, i cili u kishte imponuar djemve një regjim stërvitjesh që do ta kishin zili edhe marinsat amerikanë.

Auroni arriti në skuadrën e parë të të kuqve të pathyeshëm që nën udhëheqjen Gaz Çaçit, vendosën diktaturën në parketin e basketbollit shqiptar për vite me radhë, ndërsa Igli pasi veshi fanellën e shpresave kuqezi, mori arratinë drejt Bundesligës, ku arriti të bënte emrin e tij, për t'u zhvendosur më pas në Serie A tek skuadra e Lazios. Presidentit Lotito i ra bixha me kolosin shqiptar, që jashtë fushës së blertë spikaste me stofën e liderit dhe i besoi as më shumë e as më pak, po çelësin e zyrës së drejtorit teknik të armiqve të Romës.

Nën drejtimin e Igli Tares Lazio u kthye në një armatë mbresëlënëse, e cila ka një bilanc të pabesueshëm mes shpenzimeve shumë më të ulëta se sa klubet elitare të Serisë A dhe vendit që ka zënë në klubin e të mëdhenjve të futbollit italian. Sot Igli është aseti më i kushtueshëm i Lazios dhe në ditën e tij të lindjes, i uroj të ketë edhe 100 vjet shëndet e sukses, duke uruar njëkohësisht që një ditë ta shoh në krye të Juventusit (jo të Milanit siç kam frikë se do ndodhë. Të rrallë" shkruan ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 27/07/2020 14:17

    Edhe 100 bosi

    Përgjigju
  • Hajdari: 26/07/2020 06:52

    Igli te behet 100vjec. Kam respekt per te dhe si lojtar dhe si drejtues por mbush me shume, jo 47. Kjo eshte taktika e ish drejtuesve te federates te fillimit te viteve 90. Besnik Cela me lepiresit e vet.

    Përgjigju
  • Niku: 25/07/2020 14:33

    Urime Igli sa me shume suksese..,Na nderon si shqiptare..

    Përgjigju
    • Hajdari: 26/07/2020 06:55

      Me shume gjasa Igli mbush 49 ose 50 vjec.

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi