Ikën me kamion në Angli, tani janë në majat e shkencës botërore, njihuni me dy motrat shqiptare (VIDEO)

Delegacioni i BE-së në Tirana ka publikuar në faqen zyrtare një video të dy motrave shqiptare Detina dhe Argita Zalli nga Patosi i Fierit, që sot janë shkencëtare në SHBA. "Ato janë gra, motra binjake, shkencëtare: "Të gjithë kemi një zemër, të gjithë duam të bëhemi më të mirë, të bëjmë më mirë për shoqërinë dhe për veten tonë." Detina dhe Argita Zalli janë nga Shqipëria dhe po bëjnë ndryshimin" shkruan faqja e delegacionit të BE-së. Por çfarë thonë dy binjaket shqiptare në video?

Detina: Ne jemi të dyja shkencëtare. Erdhëm në Britani nga Shqipëria. Shkenca ishte shpëtimi ynë, na hapi horizontet drejt diçkaje më të madhe. Kur erdhëm këtu e nisëm nga zero por falë Zotit ishim dy dhe kjo ishte forca jonë.

Argita: Ne ishim studente të mira dhe u vlerësuam nga mësuesit tanë anglezë të cilët na dhanë krahë për të fluturuar. Pas Britanisë, u zhvendosa në SHBA ku u pranova në Universitetin e Harvardit. Isha një nga shkencëtaret më të reja dhe prej andej lindi ideja e themelimit të ‘Në flasim shkencë’ për të zhvilluar shkencën dhe mjekësinë jo vetëm në Britani dhe SHBA por edhe në komunitetete të tjera, përfshirë Shqipërinë. Ne mblodhëm studentë nga e gjithë bota. Hapi i radhës është të zhvendosem në Oxford ku unë do mësoj doktorët dhe klinicistët më shumë rreth kancerit, për të gjetur një ilaç më të mirë dhe për ndihmuar të gjithë ata që vuajnë nga kjo sëmundje.

Detina: Kemi mbajtur konferencë në Shqipëri ku kemi prezantuar kërkimet që kemi bërë në shkencë dhe ky është kontributi jonë, të bëjmë shqiptarët të ndihen më shumë pjesë e komunitetit të shkencëtarëve. Gjithashtu shqiptarët të ndihen më shumë europianë. Shqipëria ka përparuar, është bërë progres i mirë dhe po lëviz në drejtimin e duhur.

Argita: Ne të gjithë kemi një zemër, një shpirt, duam të bëhemi më të mirë për veten, për shoqërinë.

Lexoni këtu historinë e pazakontë të dy motrave shqiptare dhe luftën për të çarë në universitet e famshme në Londor dhe Boston. Rrugëtimi i vështirë 8 ditor me kamionë drejt Londrës, dhe jeta e vështirë për t'u integruar…

d.ba./b.ha./Shqiptarja.com
  • Sondazhi i ditës:

    A ju ka ndihmuar bashkia në zonën ku jetoni për të përballuar emergjencën e krijuar nga koronavirusi?

Komento

Komente

  • eli: 03/03/2020 12:37

    bravo keni qene me fat! po te ishit ketu, do ishit duke lut bythen e [partise per nje vend pune!

    Përgjigju
  • Kadem: 28/02/2020 23:40

    Mire qe iket vite me pare...tani do du kishte riatdhesuar shoku Lleshi

    Përgjigju
    • rodakaj: 29/02/2020 13:32

      Suksese te metejshme