POP 5

Lajmet më të lexuara të 5 minutave të fundit

Sociale

Ikja e të rinjve në Kukës, bie interesi për blegtorinë! I moshuari: Fshati Morinë ka 15 lopë, i ruajmë me radhë

Largimi i rinisë, por edhe kushtet e vështira janë bërë shkak që banorët e Kukësit të mbarështojnë gjithnjë e më pak blegtorinë. Zylfi Syli, 68 vjeç, nga fshati Morin thotë se banorët ruajnë me radhë kopenë me 15 lopë të mbetura. Mungesa e ujit është bërë shkak që fshati të braktiset nga shumica e banorëve.  

Banorët e Kukësit po mbajnë gjithnjë e më pak bagëti, për shkak të largimit të të rinjve dhe rritjes së kostove. Zylfi Syli, 68 vjeç, banues i Morionit, thotë se banorët i kanë grumbulluar lopët dhe i ruajnë me radhë.

“15 copë janë. Nuk I kullotë çdo ditë, Unë dy ditë, Tjetri një ditë. Ka mbaru ky popull. Nesër duhet me shku me marrë barin. Ku ti marrë paret me 140 mijë lekë. E marrë në fushë. E blej barin tim me lekë. 10 mijë lekë korrja.5 mijë me e bo tek e 30 mijë me dërgu në shtëpi. Cafare mbetet. Shteti nuk me ndihmon”

Syli thotë se më herët Morini kishte dyfishin e lopëve, por si në zonat tjera të Kukësit, mungesa e çobanëve, interesi i vogël i të rinjëve për blegtorinë, por edhe kostot e shtuara, kanë dhënë efektin e tyre.

“Nuk kemi interes për lopët. Sepse lopët duan çobanin. Nuk kemi interes. Qumështin nuk ke ku me shit. Blegtoria ka rënë poshtë. Barin tim e blejë në fushë. Katastrofë edhe nafta. Duhet me ikë prej këtu. Në Morinë janë 15 copë bagëti. Në Përzhite si I themi ne janë shumë shumë 8-9 copë të lëna shkretë. Në Nreqe ka 20 copë. E qesin shkrete në fushë. Ka shumë pak. Më përpara ka patur shumë. Vetëm unë kam patur 30 lopë që I mbarështofsha ndërsa sot nuk ka”.- tha aui.

Në Morinë, kanë mbetur rreth 200 familje, ndërsa të tjerët janë shpërngulur, kryesisht për shkak të mungesës së ujit të pijshëm. Ata që kanë mbetur aty thonë se perspektiva për të jetuar në fshat mbetet e vakët.

“ Ka ikur krejt. Kur të ike tjetri, unë të shoh ty. Pa ujë nuk jetohet këtu. Pika ujit nuk ka. Jetesa me 30 kile ujë nuk është. Duhet ujë me shumicë”- vijoi ai.

G.MO/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 18/06/2023 17:47

    O nè Angli, o si Gjici. Si thua? Lopèt? Kush ka kohè pèr lopèt o xhaxha. Jemi modernè ne.!!!

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57